Donika Batusha është studente e vitit të parë në Cacttus Education në drejtimin “Zhvillim i Ueb-it dhe Aplikacioneve Mobile” si dhe . Ajo njëkohësisht studion edhe Mekatronikë në fakultetin e Inxhnierisë Mekanike. Donika poashtu ka ndjekur edhe trajnimin PHP 7 Web Application Training në Innovation Center Kosovo-ICK.

Përmes bashkëpunimit të ICK-së me Cacttus Education, Donika është angazhuar në punë praktike në Departamentin e Zhvillimit Softverik në Cacttus Sh.a. ku po zbaton njohuritë e saj në fushën e zhvillimit të Ueb-it, Front End. Donika tregon se puna në një zyrë me plot njerëz kreativ ka qenë ëndërr e saj e fëmijërisë. Kurse në ambientin e ri ajo është përshtatur shumë lehtë dhe është integruar menjëherë falë ekipit shumë miqësor.

Donika tregon se ajo çfarë e ka tërhequr më shumë për të studiuar në Cacttus Education janë studimet specifike që përgatisin studentët për ta ushtruar sukseshëm profesionin që e studiojnë:

Planprogrami që Cacttus Education ofron është shumë i përshtatshëm, përzgjedhja e lëndëve është specifike dhe e reflekton profesionin për t’cilin po përgatitemi. Studimet  janë t’kombinuara me praktikë dhe janë t’orientuara drejt tregut të punës. Përgatitesh për të punuar për atë pozitë të cilën e praktikon, atë profesion të cilin e studion.- Donika Batusha

Donika është person praktik nga natyra, që ka dëshirë të kryejë punën në mënyrë precize dhe me përkushtimin më të madh. Në të ardhmen parasheh të punojë si Full Stack Developer, dhe praktika në Front End Web Development është një fillim i mbarë drejt një karriere në fushën TIK-ut.

Donikës dhe studentëve të tjerë Cacttus Education ju mundëson që të inkuadrohen më shpejtë në tregun e punës dhe të bëhen profesionistë të shkathtë në drejtimet që i studiojnë.

Arianit Bobaj është student i vitit të dytë në Cacttus Education. Ai studion Zhvillim të Ueb-it dhe Aplikacioneve Mobile dhe po punon zellshëm drejt zhvillimit si profesionist në këtë fushë. Arianiti tregon se sistemi arsimor i fokusuar në praktikë ka qenë faktori më i madh që e ka shtyrë të vijojë studimet në Cacttus Education.

Përgatitja profesionale që ofron Cacttus Education synon të përgatisë studentët për tregun e punës, andaj edhe Arianiti, paralel me studimet është inkuadruar në punë. Ai është angazhuar në praktikë si Mobile Application Developer në INTEREX, me mundësi angazhimi në këtë pozitë pas përfundimit të periudhës provuese.

Arianiti tregon se në këtë ambient të ri ai vazhdimisht po mëson gjëra të reja dhe po i aplikon njohuritë që i ka fituar gjatë punës në klasë. Së bashku me mbikqyrësit e tij E. F. (Head of Marketing) dhe E. M. (Developer), Arianiti po e praktikon zhvillimin e aplikacioneve mobile përmes punës në grup.

Cacttus Education i nxitë studentët të ndërlidhin studimet me punësim, dhe në këtë mënyrë i përgatitë ata për tregun e punës. Arianiti, tashmë ka filluar rrugëtimin e tij si zhvillues i aplikacioneve mobile në kompaninë INTEREX, kurse në të ardhmen presim që Arianiti ta realizojë edhe ëndrrën e tij e të hapë studion personale për zhvillim të aplikacioneve, ueb-it apo softverëve kompjuterikë.

Bjeshkë Rrahmani është njëra ndër studentet e radhës, që angazhohet në punë praktike në kuadër të studimeve në Cacttus Education. Bjeshka është angazhuar si praktikante në kuadër të kompanisë amë Cacttus Sh.a. ku po praktikon njohuritë në fushën e rrjetave, në kuadër të departamentit për integrim të sistemeve.

Bjeshka ka filluar studimet në Cacttus Education paralel me studimet në universitet publik ku studion Matematikë. Ajo tregon se njëri ndër shtytësit kryesorë për t’u regjistruar në shkollë profesionale ka qenë përgatitja për tregun e punës që Cacttus Education ofron. Bjeshka ka zgjedhur për të studiuar Administrim të Rrjeteve dhe Sistemeve, dhe aktualisht është studente e vitit të dytë në këtë drejtim.

Bjeshka tregon se puna me ekip dhe puna në zyrë është ndryshe nga praktika që bëhet në klasë dhe si rrjedhojë e bën atë më të gatshme për tregun e punës. Ajo thotë se edhe pse praktika që bëhet në klasë është shumë e mirëseardhur, angazhimi në punë praktike në një kompani është një ndihmesë shtesë, dhe fakti që punon me një ekip, në një ambient pune dhe me orar të caktuar është një përvojë e re. Bjeshka tregon se kjo formë e angazhimit, bashkë me studimet në Cacttus Education po e përgatitë që t’jetë e gatshme të punësohet kudo, pas madje edhe gjatë periudhës së studimeve.

Angazhimi i Bjeshkës dhe studentëve të tjerë në punë praktike gjatë studimeve në Cacttus Education ju mundëson që të inkuadrohen më shpejtë në tregun e punës dhe të bëhen profesionistë të shkathtë në drejtimet që i studiojnë.