Partneriteti për impaktin në TIK

Partneriteti për impaktin në TIK

Shkolla e lartë profesionale Cacttus Education ne partneritet me USAID kanë lansuar projektin tre-vjeçar “Partneriteti për Impaktin në TIK”. Ky projekt është një iniciativë e udhëhequr nga Cacttus Education në partneritet me Innovation Center Kosovo (ICK), Kosovo Women’s Chamber of Commerce (G7), International Business College Mitrovica (IBCM) dhe Cacttus. Qëllimi kryesor i këtij projekti është aftësimi dhe përgatitja e të rinjve për tregun e punës në fushën e teknologjisë informative (TIK). Me anë të këtij projekti, studentëve do ju ofrohen njohuri dhe shkathtësi që i plotësojnë kërkesat e tregut të punës, veçanërisht për sektorin privat. Përmes këtyre shkathtësive synohet që të plotësohen mangësitë në tregun e punës që paraqiten dukshëm si rrjedhojë e sistemit të arsimit në Kosovë.

Ky projekt ka ardhur si kërkesë e tregut për profesionistë të TIK-ut dhe si nevojë për krijimin e fuqive të reja punëtore në këtë fushë. Kështu, projekti do të përqendrohet në zhvillimin e një sistemi të vazhdueshëm profesional që i përshtatet nevojave të tregut, duke i aftësuar këta të rinj për tregun e punës në kohën e vendin e duhur.

Partnerët e përfshirë në këtë aleancë, do të punojnë për zhvillimin e projektit “Partneriteti për Impaktin në TIK” përmes aktiviteteve të ndryshme që janë të parapara për tri vitet e ardhshme.