CACTTUS Education dhe Kolegji AAB, Fakulteti i Shkencave Kompjuterike nënshkruajnë marrëveshje bashkëpunimi. Kjo Marrëveshje ka për qëllim ofrimin e mundësive akademike për studentët dhe stafin e institucioneve përkatëse përmes realizimit të projekteve dhe aktiviteteve të përbashkëta me interes edukativo- shkencor, duke përfshirë këtu poeashtu edhe mobilitetin e ligjëruesve dhe studentëve

.Marrëveshja përfshin gjithashtu edhe bashkërendimin dhe koordinimin e pikëpamjeve karshi politikave edukative shtetërore dhe çështje të tjera me interes të përbashkët.Përveç nënshkrimit të marrëveshjes u mbajt edhe një ligjëratë nga Rrezarta Pllana dhe Naim Sulejmani, ligjërues në CACTTUS Education me temën “MICROservices and DATAbases: The Main Challenges. New concepts of DATA – Science, Engineering, Analytics”.

Kemi kënaqësinë të kemi sot me ne Gentrit Dedushi, Google Enterprise Sales Executive. Me mbi 10 vjet përvojë në industrinë e teknologjisë dhe shërbimeve financiare, z.Dedushi si Google Enterprise Sales Executive ka punuar me organizata/kompani te mëdha te shërbimeve financiare duke mbështetur adoptimin e teknologjive të Google Cloud dhe për të mundësuar transformimin dixhital të tyre.

Gjatë karrierës së tij ai ka udhëhequr marrëveshje komplekse, shumë milionëshe në SHBA, Kanada, Amerikën Latine dhe Evropë me kompani lider si JPMorgan Chase, Citi Bank, UBS, Credit Suisse, Morgan Stanley dhe të tjera. I lindur dhe rritur në Kosovë, ai migroi në SHBA në moshën 7 vjeçare. Aktualisht jeton në NJ/NY dhe 6 muajt e fundit i ka kaluar duke punuar në distancë në Prishtinë.

Sot, ai do të na rrëfejë rrugëtimin e tij në Google si dhe do të ndajë me ne këshilla se si duhet të punohet një CV e suksesshme, si dhe si duhet të sillemi në një intervistë pune. Takime të tilla inspiruese na motivojnë të bëhemi versioni më i suksesshëm i vetes, si dhe na rikujtojnë se çdo ëndërr është e arritshme!

Në kuadër të Javës Globale të Ndërmarrësisë, në CACTTUS Education është organizuar një panel diskutimi me temën: Women in STEM.

Në eventin e moderuar nga Vildane Kelmendi, Drejtoreshë e Programeve në CACTTUS Education, pjesëmarrëse ishin: Melina Hajdini, pjesë e CACTTUS Business Solutions, Drenusha Imeraj nga Polymath, Melisa Bekaj pjesë e Barut, Egzona Vllasaliu nga kompania ORNIO AS, Rrezarta Pllana nga CACTTUS Business Solutions si dhe Vildane Kelmendi, Drejtoreshë e Programeve në CACTTUS Education, të cilat ndanë me të pranishmit përvojën dhe sfidat në të cilat kanë kaluar gjatë karrierës së tyre. Fuqizimi dhe inkurajimi i vajzave dhe grave për t’u kyçur në fushën e Teknologjisë dhe Informacionit ka qenë gjithmonë prioritet për CACTTUS.

Pjesëmarrja aktive në këtë fushë kontribuon në ngritjen e barazisë gjinore andaj CACTTUS dhe CACTTUS Education do të vazhdojnë të përkrahin çdo iniciativë e cila ka për qëllim ngritjen e vetëdijes, inspirimit, dhe fuqizimit të vajzave dhe grave që duan të ndjekin profesionet në TIK. #gew2021#GEW