Bashkëpunimi në mes të kursit për kodim CacttuKids dhe kursit të gjuhëve Oxford Studio ELT, ka rezultuar edhe me një vizitë të radhës në kampin veror në Gërmi. Stafi i kursit CacttuKids ka vizituar një grup tjetër të studentëve në këtë kamp të organizuar nga Oxfrod Studio, duke u argëtuar, luajtur e biseduar bashkë.

Gjatë bashkëbisedimeve të lezetshme që patëm me këta fëmijë dhe adoleshentë, pamë që njohuritë, ëndërrat, idetë e vizionet e tyre shkojnë përtej imagjinatës së të rriturve! Për ta, është e mjaftueshme ta gjejnë hapësirën e nevojshme dhe të fillojnë menjëherë të krijojnë gjëra të reja. Dhe këtë hapësirë e ofron CacttuKids, me klasat me ngjyra, pajisjet moderne, programe kreative e trajnerë shumë bashkëpunues.

Rreth 40 studentët e këtij kursi, të gjithë ambiciozë duke mësuar gjuhë të huaja, kureshtarë, ëndërrimtarë dhe mjaft entuziastë, ndanë me stafin e CacttuKids, eksperiencat dhe dëshirat e tyre sa i përket lojërave të tyre të preferuara për telefon e kompjuter dhe aftësive që kishin në teknologji. Pa dyshim, teknologjia është diçka që i rrethon më së shumti ata, të rinjtë të cilët janë të informuar, të aftësuar dhe mjaft të interesuar që të kyçen tutje në këtë fushë. Disa prej tyre kishin eksperienca të mëhershme në programin, e të tjerët kishin dëshira për ta prekur programimin e për krijuar vet lojëra dhe aplikacione.

CacttuKids, solli pakëz frymën e teknologjisë edhe në parkun e Gërmisë e për të mos humbur mundësinë për argëtim jashtë në rrezet e diellit, bashkë më fëmijët luajtëm e vallëzuam së bashku. Dielli, muzika, vallëzimi, argëtimi, buzëqeshjet dhe teknologjia u bën bashkë sot, duke na mundësuar që të mësojmë nga njëri-tjetri, të dëgjojmë përvoja të ndryshme, të njihemi e t’i ofrojmë sa më shumë mundësi sidomos të rinjve të cilët kanë pafund energji për inovacione.

Kursi për kodim, CacttuKids, gjatë muajve të verës ka organizuar grupe të kurseve intensive, ndërkaq nga shatori keni mundësi të bëheni pjesë edhe në kurset e rregullta. Regjistrimi i grupeve të reja në CacttuKids, tashmë ka filluar dhe të gjithë fëmijët dhe adoleshentët që i përkasin moshës 7 deri në 15 vjeç, janë të mirëseardhur që në shtator të fillojnë aventurën e re për kodim.

Puna praktike i bën studentët më të aftë dhe më konkurrentë në tregun e punës. Përpos njohjes me një fushë dhe fitimit të përvojës në një fushë, puna praktike është mundësi e mirë për ta parë se sa përshtatesh ti me një karrierë.

Duke bërë një punë të mrekullueshme dhe duke bërë më shumë se çka kërkohet prej teje, ti krijon një përshtypje shumë të mirë që do të rezultojë të paktën në një letër të mrekullueshme rekomandimi, apo edhe të rezultojë në një ofertë potenciale për punë.

Për studentët që studiojnë në Cacttus Education, në shumicën e rasteve, puna praktike ka rezultuar në ofertë pune, apo të paktën në përfitim të njohurive të mjaftueshme për ta parë se si funksionon apo si të ushtrohet një profesion. Duke parë rëndësinë e punës praktike dhe nevojën për t’i përgatitur studentët për tregun e punës, Cacttus Education, programet e studimit i fokuson në përfitimin e njohurive praktike, qoftë përmes projekteve reale në klasë, apo përmes angazhimit të studentëve të vet në punë praktike.

Si rrjedhojë 80% e studentëve të Cacttus Education janë tashmë të punësuar, kurse të tjerë janë të angazhuar në punë praktike. Kjo, falë programit të studimit, që përpos përfitimit të njohurive teorike, nxitë studentët të angazhohen edhe në punë praktike. Përmes lëndëve si “Komunikimi në Biznes” studentët zhvillojnë shkathësitë e buta, dhe përgatiten për të aplikuar, dhe për t’i prezantuar shkathësitë e fituara tek punëdhënësit potencialë.  Në këtë mënyrë Cacttus Education ua lehtëson studentëve qasjen në praktikë pune.

Praktika është një mënyrë shumë e mirë për të mësuar se si mund ta ushtrosh një profesion. Pyetjet janë qelësi kryesor për të mësuar gjatë praktikës, kurse të qenurit fleksibil përgjatë praktikës mund të hapë shumë dyer të reja në rrugëtimin tuaj drejt karrierës.