Bota e punës është duke kaluar nëpër një shëndrrim të madh. Profesione dhe industri të tëra po zgjerohen me një ritëm marramendës dhe shkathtësitë që nevoiten për të qenë në hap me punën janë duke u përditësuar në një normë më të shpejtë. Njihuria mestatare njerëzore po dyfishohet çdo 13 muaj, dhe IBM parashikon se gjatë dy viteve të ardhshme volumi i informatave do të dyfishohet çdo 11 orë.

Brenga se a do të ketë punë mjaftueshëm në të ardhmen po rritet dita ditës. Janë dy forca të njëkohësishme që po nxisin mendimin se a do të ketë punë të mjaftueshme në të ardhmen për të fituar nga to. Së pari, autumatizimi dhe inteligjenca artificiale kërcënojnë që të lënë pa punë jo vetëm punëtorët e krahut që performojnë në punë rutinore, por edhe nënpunësit në industri të ndryshme. Së dyti, emergjenca e ekonomisë së angazhimit të kontraktorëve në vend të punësimit të një punëtori po e riformëson edhe më shumë marrëdhënien tradicionale punëdhënës-punëtor, madje sot çdo herë e më shumë kontraktorë po plotësojnë role që dikur kanë qenë të rezervuara për punëtorë me orar të plotë.

Një anketë e vitit të kaluar, nga Pew Research Center tregon se 87% e punëtorëve besojnë që do të jetë esenciale që të trajnohen dhe zhvillojnë shkathësi të reja përgjatë tërë jetës në mënyrë që të mund ta mbajnë hapin me ndryshimet në vendin e punës.

Vullneti jo vetëm i punëtorëve, por edhe i punëdhënësve, për ta përqafuar orientimin drejt të mësuarit gjatë gjithë jetës , do të ndikojë në aftësitë tona për t’ju qasur edhe sfidave më të mëdha me të cilat punëtorët sot ballafaqohen- nga mangësitë në shkathtësi, diversiteti në vendin e punës e deri tek mbajtja e talentit. Mësimi gjatë gjithë jetës nuk është më vetëm një tipar i mirë, por është një nevojë që punëdhënësit dhe punëtorët duhet ta kenë për të pasur sukses në botën e punës që vazhdimisht po ndryshon.

Artikull i përshtatur nga: Forbes

Në Cacttus Education u mbajt ligjërata e hapur për studentë me temë “Rrugëtimi për në Silicon Valley” ku folës ishte Betim Deva, inxhinier softueri në Apple. Ligjërata u prit me shumë entuziazëm nga studentët pjesëmarrës që mbushën plot sallën. Gjatë diskutimit Betimi solli përvojën dhe foli për rrugëtimin e tij nga një student në Prishtinë, e deri tek punësimi si inxhinier softueri në Silicon Valley.

Betim Deva ka përfunduar studimet baçelor në inxhinieri në sistemet kompjuterike dhe ka vazhduar studimet master në shkenca kompjuterike në Arizona State University. Aktualisht punon në Apple në App Store, Apple Music dhe iTunes Store. Para Apple, Betimi ka punuar në lexuesin elektronik Nook të Barnes & Noble si zhvillues i aplikacioneve, kurse para kësaj në mes tjerash ka zhvilluar softuer për Garminfone, pajisje e parë me Android e Garmin-it.

Para fillimit të karrierës në Apple, Betim Deva poashtu ka zhvilluar softuer shkencor: në mes tjerash ka menaxhuar publikimin e softuerit Davinci – një platformë shkencore me kod të hapur e përdorur kryesisht për të përkrahur THEMIS, instrument në sondën kozmike Mars Odyssey të NASA’s.

Suksesi i Betimit është inspirim për të gjithë ata që dëshirojnë të zhvillojnë një karrierë të sukseshme në fushën e teknologjisë së informacionit dhe komunikimit dhe është dëshmi që me punë dhe mësim të vazhdueshëm mund të arrihet gjithçka. Diksutimi u përmbyll me pyetjet e studentëve drejtuar Betim Devës, dhe në përfundim të diskutimit Betimi dha një mesazh për studentë, duke i inkurajuar që asnjëherë të mos ndalen së mësuari gjëra të reja.

 “Stay hungry, stay foolish” -Steve Jobs.

Çdokush mund të ketë një ide për zhvillim të një biznesi, por duhet shumë punë për ta implementuar një plan të veprimit.

Për shembull, ka me qindra ide që mund të konsiderohet vetëm për ide të biznesit online. Që nga krijimi i një blogu e deri te tregëtia online, pra ka mjaft mundësi në të cilat mund të hasni. Nëse keni një ide që ju dëshironi ta fusni në veprim në të ardhmen e afërt, do t’i cekim disa këshilla që mund t’ju hyjnë në punë:

Hulumtoni tregun:
Nuk është mirë të inkuadroheni në treg pa pasur një pasqyrë të qartë për konurrencën, dhe hapat që duhet t’i ndiqni për t’u bërë lojtar me rëndësi në fushën të cilën je kyqur.

Krijoni një plan biznesi:
Pavarësisht prej idesë që keni, kohës që keni caktuar për këtë ide dhe sa para planifikoni të shpenzoni, është qenësore ta krijoni një plan biznesi që do të shërbejë si udhërrëfyes, si tash ashtu edhe në të ardhmen.

Caktoni një buxhet:
Varësisht prej llojit të biznesit që dëshironi, disa biznese kërkojnë më shumë para sesa tjerat për t’u filluar dhe gjithmonë duhet ta keni parasysh se do t’ju duhet të shpenzoni disa para paraprakisht. Përpos caktimit të një buxheti për zhvillimin e idesë dhe fillimin e biznesit, shikoni edhe detajet e tjera për sa i përket financave tuaja.

Gjeni një mentor:
Është shumë e lehtë të mendohet se s’ke nevojë për ndihmë për të pasur sukses, por në raste të tilla vetëm e mashtroni veten tuaj. Është e rëndësishme të gjindet një mentor që mund t’ua tregojë rrugën e duhur, t’ju ndihmojë që t’ju shmangeni problemeve dhe të kyqeni/ ecni në rrugën e drejtë drejt suksesit.

Caktoni një datë të fillimit:
Pa një datë të fillimit të punës për biznesin tuaj mund ta gjeni vetën duke u ballafaquar me një vonesë të panevojshme pas tjetrës.

Tregohuni të durueshëm:
Edhe pse mund të prisni me padurim që ta filloni zhvillimin e biznesit tuaj nga ideja në veprim, duhet të ushtroni pak durim gjatë procesit. Do të ketë edhe momente kur do të bëni një hap mbrapa gjatë këtij procesi për arsye të ndryshme apo do të ketë edhe momente që ju duhet të bëni ndryshime për t’u siguruar që do të qëndroni në rrugën e duhur. Përderisa tregoheni të durueshëm, përderisa vazhdoni të punoni për të shkuar përpara, të jeni të sigurtë se gjithçka do të funksionojë si është pë së miri në fund.

Edhepse mund të jetë mjaft sfiduese zhvillimi i një ideje dhe transformimi i asaj ideje në një biznes të sukseshëm e fitimprurës, këto këshilla ju ndihmojnë në udhëtimin afatgjatë drejt arritjes së qëllimeve që i keni. Përderisa vazhdoni të punoni në idenë që e keni, ju eventualisht do të përfundoni duke lansuar biznesin tuaj dhe të korrni suksese.

Artikull i përshtatur nga: NextWeb