fbpx

Art Manxhuka, IT Helpdesk në Cacttus Education

Art Manxhuka është student i vitit të dytë në Cacttus Education, ku studion Administrim i rrjetave dhe sistemeve kompjuterike. Ai njëkohësisht është angazhuar në punë praktike në fushën e IT-së në Cacttus Education, ku po praktikon njohuritë e fituara gjatë studimeve.

Arti tregon:

Jemi duke jetuar në një kohë kur po ndodhë një transformim digjital, ku gjithçka po digjitalizohet. E kam përzgjedhur drejtimin e Administrimit të Rrjetave për shkak se se sot ka më së shumti perspektivë për këtë lëmi. Të ofron një jetë shumë të mirë, me kushte të mira, dhe një të ardhme të mirë profesionale.

Përvoja ime gjatë studimeve ka qenë edhe më e mirë sesa pritshmëritë e mija. Gjatë kësaj kohe kam pasur mundësinë të mësoj shumë njohuri të reja, të cilat janë pratike dhe mund të aplikohen në cilindo profesion të fushës së rrjetave.

Çka më pëlqen rreth planprogramit është se çdo gjë që e kemi mësuar ndërlidhet me njëra tjetrën, dhe mundet me u përdorë në punë. Njohuritë i kemi fituar në mënyrë praktike e logjike, dhe çdo gjë që kam mësuar mundem t’ia mësoj edhe dikujt tjetër, me vetëbesim se ai/ajo mundet t’i përdorë.

Në kuadër të punës praktike në Cacttus Education merrem me mirëmbajtjen hardverike të PC-ve, instalimin e aplikacioneve, mirëmbajtjen e sistemeve operative, etj. Kurse planet e mija për të ardhmen janë që gjatë 10 viteve të para pasi ta përfundoj shkollën, të punoj në vende të ndryshme, kompani të ndryshme, e të fitoj sa më shumë përvojë në fushën e TI-së.

Cacttus Education i nxitë studentët të ndërlidhin studimet me punësim, dhe në këtë mënyrë i përgatitë ata për tregun e punës. Cacttus Education tani ka filluar regjistrimin e gjeneratës së re të studentëve në programet e studimit më të kërkuara në fushën e teknologjisë.

Edhe ti mund të bëhesh pjesë e Cacttus Education: Apliko Online

Prill 16, 2019 Bursist, Storje Suksesi, Të tjera Komentet te Art Manxhuka, IT Helpdesk në Cacttus Education Janë të Mbyllura

Shpëtim Sadriu, IT Helpdesk

Shpëtim Sadriu është student i vitit të dytë në drejtimin Administrim i Rrjetave dhe Sistemeve. Shpëtimi është një i ri shumë i përkushtuar dhe me vizion të qartë se çka pret nga përgatitja e tij profesionale.

Shpëtimi tregon:

Kam qenë qysh moti i fokusuar në teknologji. Fusha e administrimit të rrjetave ka qenë gjithmonë diçka që e kam dashtë. Kur ti e ushtron profesionin që e don, edhe puna që e bën më shumë është argëtim sesa punë.

Rreth studimeve në Cacttus Education ai thotë:

Planprogrami që Cacttus Education e ofron për studentët e drejtimit të rrjetave më është dukur shumë interesant dhe i përshtatshëm. Poashtu më ka pëlqyer qasja e profesorëve ndaj nesh. Profesorët e kanë vlerësuar faktin që jemi të ri në këtë lëmi edhe kanë ligjëruar me detaje për gjithçka çfarë duhet në profesion.

Rreth angazhimit në punë Shpëtimi thotë:

Aktualisht punoj si IT Helpdesk. Puna ime lidhet me studimet, dhe vazhdimisht kam mundësinë t’i aplikoj njohuritë e fituara. Studimet në Cacttus Education më kanë ndihmuar ta zgjeroj edhe më shumë horizontin e dijes, duke u bazuar në nevojat e tregut të punës.

Shpëtimi ka ambicje për t’u zhvilluar akoma më shumë në të ardhmen. Ai tashmë është i kyqur në tregun e punës, por këshilla e tij për të tjerët që janë në këtë rrugëtim është që gjithmonë të synojnë për më shumë, e që vazhdimisht të përfitojnë nga përvojat e reja.

Shkurt 19, 2019 Storje Suksesi, Të tjera Komentet te Shpëtim Sadriu, IT Helpdesk Janë të Mbyllura

Lis Grapci, IT Helpdesk në kujtesa.net

Lis Grapci ka përfunduar studimet në drejtimin “Administrues i Rrjetave dhe Sistemeve Kompjuterike” në Cacttus Education. Pas dy viteve studimi Lisi ka qenë i gatshëm për t’u inkuadruar në tregun e punës, në fushën e teknologjisë. Tani ai me shumë përkushtim ushtron profesionin e IT Helpdesk. Pas një bisede të shkurtër me Lisin ne mësuam më shumë rreth tij, kohës së kaluar si student dhe inkuadrimin e tij në tregun e punës pas studimeve.

Lisi na tregon:

Unë i kam perfunduar studimet në “Systems and Network Administration”. Arsyja pse e kam zgjedhë këtë drejtim është se më pëlqen administrimi i sistemit dhe rrjetit, e ka gjithmonë probleme të reja të cilat duhet me i mirëmbajtë. Gjatë studimeve një prej lëndëve që më është dukur më interesantja dhe që më ka pëlqyer më së shumti ka qenë lënda “Microsoft servers & server infrastructures”

Për inkuadrimin e tij në tregun e punës Lisi thotë:

Jam i punësuar në kujtesa.net, ku ushtroj profesionin e IT Helpdesk. Profesioni që ushtroj momentalisht ka të bëjë me mirëmbajtje dhe siguri të pajisjeve teknologjike si: llaptopë , desktop pc , switch , router etj. Prej detyrave kryesore që i bëj gjatë ditës përfshihen: mirëmbajta e qendrës së thirrjeve, softphones dhe mirëmbajta e rrjetit të brendshëm.

Për ndikimin e studimeve në përgatitjen e tregut të punës Lisi tregon:

Cacttus Education prej prespektivës time është njëra ndër shkollat më të avancuara në fushën e teknologjisë pasi që ta mundëson qasjen në praktikë, që e bën shumë më të lehtë kuptimin e secilës lëndë. Cacttus Education më ka ndihmuar shumë për tu qasur në punën që dëshiroj, pasi që gjithmonë më kanë ofruar punë praktike me klientët e ndryshëm të Cacttus.

Sa i përket planeve që Lisi ka për të ardhmen, ai thotë:

Planet e mija në të ardhmen janë të ngritem në pozita më të larta në lëminë e “System and Network Administation” në vende të ndryshme të botës. Me këtë do të jem në gjendje t’i aplikoj tërësisht studimet e mija dhe njohuritë e fituara në rrjeta dhe sisteme.

Për studentët e rinjë Lisi i këshillon:

Këshilla ime për studentët e rinjë do të ishte që të koncentrohen më shumë në punë praktike, e vendi më i mirë ku mundesh me mësu edhe teori edhe praktikë është Cacttus Education.

Dhjetor 12, 2018 Storje Suksesi, Storje Suksesi Studentet Komentet te Lis Grapci, IT Helpdesk në kujtesa.net Janë të Mbyllura
Postime Së Fundi
Kategori