Meritoni është student i gjeneratës së parë në Cacttus Education. Në një intervistë të shkurtë me të mësuam për rrugëtimin e tij pas përfundimit të studimeve në Cacttus Education.

Ai na tregon:

Me njohuritë e fituara gjatë studimeve dhe me pasion, shumë është e lehtë të ngritesh në karrierë.

Vetë ideja e shkollës profesionale “Cacttus Education” është aftësimi për profesionistë për tregun e punes, ku zhvillimi i mësimit (softuerit) bëhet në mënyrë të ngjashme sikur të punoje në kompani. Komunikimi/zgjidhja e problemeve me ekipin, marrja e detyrave nga lideri(profesori) deri te zgjidhja me metodat më të mira dhe kualitative të një softueri janë vetëm disa prej shumë aftësive që mund të përfitohen në “Cacttus Education” për të arritur titullin profesionist i zhvillimit të softuerit.

Për momentin punoj në startup-in “Purple Dot” me bazë në Shkup, ku zhvillojmë produktin (softuer) me partnerin tonë në Milano, Itali. Jam pjesë e kompanisë rreth 15 muaj apo 1 vit e 3 muaj.

Periudha e punës nga distanca për shkak të pandemisë ka qenë shumë e lehtë në aspekt të kryerjes së punës, mirëpo më kanë munguar shakatë me kolegët e punës. Por edhe largimi nga bisedat me kolegët mund të them që ishte një ndër arsyet që kam zhvilluar edhe punë më kualitative gjatë pandemisë, për shkak se fokusi ishte maksimal në punë, pa ndonjë ndërprerje eventuale. Në ditët e sotme çdo gjë që na rrethon ka “nuanca” të teknologjisë. Vet jeta në ditët e sotme është “e pamundur” pa teknologji, andaj nxënia e njerës prej shumë degëve të teknologjisë na ndihmon në lehtësim të jetesës.

 Ilir Nika sapo ka përfunduar studimet në Cacttus Education në drejtimin “Zhvillimi i ueb-it dhe aplikaconeve mobile”.

Përpos rezultateve të mira gjatë studimeve Iliri ka ndjekur edhe trajnime dhe kurse për të zgjeruar njohuritë e tij. Ai së fundmi, ka qenë pjesë e Hack the Crisis e organizuar nga ICK (Innovation Centre Kosova), ku bashkë me grupin e tij, kanë fituar vendin e dytë, me idenë e platformës ‘PyPe”.

Sa i përket aspektit profesional dhe atë të karierës, ai sapo ka filluar rrugëtimin e tij, në pozitën Back- End Developer në kompaninë Frakton.

Gresa Kurtaj është në përfundimt të vitit të fundit të studimeve në Cacttus Education, në drejtimin Zhvillim i ueb-it dhe aplikacioneve mobile. Ajo njëkohësisht është angazhuar në punë si zhvilluese softverike në Cacttus Business Solution.

Për rrugëtimin e saj, Gresa tregon:

Jam njëra ndër studentët që kam fituar bursë nga kjo shkollë për të studiuar. E kam konsideruar si një mundësi mjaft të mirë dhe që vlenë të shfrytëzohet pasi që edhe i jep një përkrahje mjaft të madhe vajzave, është e fokusuar që studentët t’i përgatitë në aspektin profesional dhe të jenë të gatshëm për tregun e punës.

Njohuritë që i kam fituar nja kjo shkollë më kanë ndihmuar shumë për t’ju qasur industrisë profesionale ku kam mbajtur praktika në kompani të ndryshme dhe së fundmi jam punësuar në Cacttus Business Solution, duke e ushtruar profesionin tim si Zhvilluese Softuerike. Padyshim që njouritë që i kam fituar nga shkolla tani i praktikoj edhe në punë.

Në këtë kompani punoj nga muaji Nëntor 2019.Nuk ka qenë aspak e vështirë për të punuar nga shtëpia, sepse profesioni im mund të zhvillohet edhe duke mos qenë fizikisht në vendin e punës, tani meqë teknologjia është mjaft e zhvilluar. E gjithë puna është kryer dhe monitoruar online dhe komunikimet me stafin e punës janë bërë përmes videomeetings.

Femra është një forcë e madhe në të gjitha fushat, pse të mos jetë edhe në fushën e teknologjisë. E ardhmja ju përket vajzave, koha është në avantazhin tonë atëherë ta kapim kohën dhe jam e bindur që do ja dalim dhe do të jemi pjesë e zhvillimeve të reja në fushën e teknologjisë.

Cacttus Education i përgatitë studentët për inkuadrim sa më të shpejtë në tregun e punës. Regjistrimet për vitin e ri akademik 2020/21 janë të hapura.

Apliko tani!