Minecraft është një lojë mjaft edukative, që ju ndihmon fëmijëve  të zhvillojnë kreativitetin e tyre duke mësuar se si të krijojnë lojën e tyre. Minecraft është një mënyrë e mirë për të gdhendur brenda mendjes shkathtësitë matematikore e logjike – shkathësi të cilat inkurajohen nga edukatorët e fushës së shkencës dhe teknologjisë.

Minecraft u ndihmon të rinjëve të mësojnë se si të mendojnë në mënyrë kreative, kritike dhe të punojnë në ekip. Krijimi i lojërave kompjuterike me Minecraft i motivon fëmijët, pasi që ata realizojnë projekte të ndryshme dhe krijojnë lojëra unike, me karaktere të preferuara. Gjatë mësimit të Minecraft  fëmijët vazhdimisht mësojnë gjëra të reja jo vetëm në fushën e programimit, por edhe zgjidhje praktike të problemeve e situatave reale.

John Dewey e ka thënë para gati një shekulli: “Për t’i nxitur fëmijët të shkruajnë e lexojnë, ua jepni një detyrë reale që e kanë për zemër.” -E në ditët e sotme, ajo që fëmijët e kanë përzemër janë lojërat kompjuterike.

Ndër platformat përmes të cilave CacttuKids i mëson fëmijët programim është edhe Minecaft. Së shpejti parashihet të fillojë edhe kursi i ri për Minecraft në CacttuKids.

Shkarko Planprogramin.

Përmes kursit të ri Minecraft, studentët tanë do të mësojnë duke u argëtuar dhe duke kryer detyra reale që ata i kanë përzemër.

Sipas një studimi të kryer nga organizata e punësimit Hired, profesionet me rritjen më të madhe në fushën e zhvillimit softuerik janë profesionet që përfshijnë kodimin e aplikacioneve të ndryshme për teknologjinë blockchain. Përmes anketës së kryer më 98,000 zhvilluesit softuerikë që e përdorin këtë platformë, është vlerësuar se për cilat profesione ka kërkesë më të madhe në industrinë e teknologjisë.

Sipas anketës, kërkesa për inxhinierë të blockchain, dhe inxhinierë të sigurisë është rritur më së shumti. Kurse ndër profesionistët më të kërkuar të fushës së teknologjisë radhiten:

Inxhinierët e sigurisë (Security Engineers)
Inxhinierët e kërkimit (Search Engineers),
Inxhinierët e blockchain (Blockchain Engineers),
Inxhinierët e të dhënave (Data Engineers),
Inxhinierët e machine learning (Machine Learning Engineers), dhe
Inxhinierët e lojërave (Gaming Engineers) etj.

Sa i përket zhvillimit,  ndër gjuhët programuese që po shënojnë rritje janë:

Gjuha programuese GO
Gjuha programuese Scala
Gjuha programuese Ruby
Gjuha programuese Typescript dhe
Gjuha programuese Kotlin

Por edhe pse këto gjuhë programuese vlerësohen shumë prej punëdhënësve, prapseprapë përdorimi dhe depërtimi i tyre në komunitetin e zhvilluesve softuerikë mbetet i vogël.

Artikull i përshtatur nga: Techcrunch.com

Kur të aplikoni për punën të cilën e keni përzgjedhur, me siguri gjёja e parё qё e synoni ёshtё t’i lini pёrshtypje punёdhёnёsit.

Nese jeni duke kёrkuar mёnyra unike pёr t’u dalluar prej aplikuesve të tjerë, mё poshtё janё 6 mёnyra tё reja pёr tё shkruar Letrёn e Motivimit.

Zbërthe detajet
Punёdhёnёsve ju pёlqejnё numrat, veçanёrisht kur ata numra kanё kuptim. Prandaj është mirë që ta përshkruani pjesëmarrjen tuaj në një projekt duke përfshirë edhe numra si: orёt e punёs, sa persona kanё qenё tё pёrfshirё, sa ka zgjatur projekti etj.

Përdor një citat
Një citat i cili përdoret në mënyrën e duhur mund t’i shtojë vlerë letrës suaj të motivimit. Zgjidh një citat që lidhet me përvojën dhe pozitën për të cilën aplikoni. Lidheni atë me elementet e pervojës suaj dhe shpjegoni se si ai citat përmbledhë kualifikimet tuaja.

Trego një anekdodё tё shkurtёr
Kur punёdhёnёsit kёrkojnё kandidatё për ndonjë pozitë të caktuar, ata nuk shikojnё vetёm kualifikimet, por gjithashtu duan tё dijnё nёse jeni tё pёrshtatshёm me kulturёn e kompanisё të cilën ata e përfaqësojnë. Duke treguar ndonjё histori qё lidhet me rrugёtimin tuaj nё karrierё, i jepni mundësi punëdhënësit të fitojë një pasqyrë të personalitetit tuaj.

Ilustroni pasionet, ëndërrat dhe qёllimet tuaja
Punёdhёnёsit nuk dёshirojnё vetёm tё dijnё pse ju jeni tё kualifikuar pёr kёtё pozitё, por ata gjithashtu duan tё dijnё pse keni zgjedhur kёtё rrugё tё karrierёs. Punёdhënësit dёshirojnё tё punёsojnё punёtor pasionant sepse e dijnё qё kёta individё do tё jenё tё motivuar tё bёjnё punёn e tyre.

Flisni sikur tashmё jeni tё punёsuar
Kur filloni tё shkruani letrёn e motivimit pretendo sikur je nё një takim dhe njёri nga bashkëpuntorёt ose menagjerёt të cilët po të pyesin se pse zgjodhe tё punosh pёr kёtё kompani. Kjo ёshtё mёnyra më e mirё pёr tё treguar interesin tuaj nё letrën e motivimit.

Mbajeni letrën motivuese sa më të shkurtёr
Një përmbledhje e shkurtër ёshtё qelёsi kryesor kur aplikoni nё njё punё. Sa mё tё shkurtёra dhe mё tё fuqishme qё mund t’i krijoni deklarata aq mё e mirё do tё jetё letra juaj e motivimit.

Mos harroni, punёdhёnёsit nuk kanё shumё kohё pёr tё rishikuar letrat motivuese dhe rezumetё tuaja. Megjithatё nёse mund tё krijosh njё hyrje tё shkurtёr dhe tё ёmbёl, do ta ndihmoni punёdhёnёsin tё vendosё nёse duhet tё vazhdojё tё lexojё.

Artikull i përshtatur nga glassdoor.com