Drejtoresha e Cacttus Education, Vildane Kelmendi morri pjesë në panelin “Udhëheqja dhe Roli i Sektorit Privat në Fuqizimin Ekonomik të Grave dhe Përfshirjen në Vendin e Punës”, organizuar nga Rrjeti Kosovo CSR Network në partneritet me UN Women Kosovë.

Ky panel ishte një mundësi për të diskutuar rëndësinë e sektorit privat në fuqizimin ekonomik të grave dhe krijimin e mundësive të barabarta në vendin e punës. Në këtë event u theksua rëndësia e krijimit të ambienteve gjithëpërfshirëse dhe të barabarta për gratë në sektorin e teknologjisë dhe arsimimin e tyre.

Në Cacttus Education, angazhimi ynë për barazinë gjinore është një komponent esencial. Ne ofrojmë mundësi të barabarta për të gjithë, si dhe promovojmë një ambient pune që respekton diversitetin dhe përfshirjen. Ne jemi të fokusuar në zhvillimin dhe avancimin e vazhdueshëm të grave me anë të programeve tona akademike dhe trajnimeve në fushën e IT.

Pjesëmarrja në këtë event ishte një mundësi për të vazhduar përpjekjet tona për të kontribuar në krijimin e një të ardhmeje më të qëndrueshme për gratë në Kosovë.