Cacttus Education feston Ditën Ndërkombëtare të Programuesve me një marrëveshje të re bashkëpunimi!

Cacttus Education dhe Fakulteti i Inxhinierisë Elektrike dhe Kompjuterike të Universitetit të Prishtinës patën kënaqësinë të ishin mysafirë në Universitetin e Tetovës. Gjatë kësaj vizite, nënshkruam një marrëveshje të rëndësishme bashkëpunimi me Fakultetin e Shkencave Matematike – Natyrore të Universitetit të Tetovës, për të zhvilluar projekte të përbashkëta në fushën e Teknologjisë së Informacionit dhe Komunikimit.

Ky memorandum i bashkëpunimit përfshin realizimin e projekteve të përbashkëta kërkimore dhe pilot projekteve, shkëmbimin e stafit hulumtues dhe mësimdhënësve, shkëmbimin e studentëve për një përvojë më të gjerë edukative, organizimin e seminareve, konferencave dhe punëtorive të përbashkëta, shkëmbimin e botimeve shkencore dhe materialeve hulumtuese dhe shfrytëzimin e laboratorëve për hulumtime shkencore.

Ky hap i rëndësishëm do të ndihmoj në fuqizimin e të rinjëve në Kosovë dhe Tetovë duke ndihmuar në avancimin e njohurive në fushën e teknologjisë dhe shkencave kompjuterike.

Bashkëpunime të tilla shërbejnë si urë-lidhëse për të ndarë ekspertizën dhe profesionalizmin me institucione të tjera lidere të kësaj fushe. Ne besojmë se ky partneritet do të sjell mundësi të reja dhe sfida emocionuese për të gjithë.

Një rrugë plot suksese dhe projekte inovative po na pret…