Më 25 Maj, ditë e shtunë, Cacttus Education organizoi eventin “Digital Skills” me qëllim promovimin e rëndësisë të aftësive digjitale në botën moderne.

Gjatë këtij eventi, të pranishmit patën mundësinë të ndiqnin workshop-in “Introduction to Ethical Hacking” ku u diskutua mbi hakimin etik dhe mbrojtjen kibernetike të mbajtur nga Lekë Hapçiu, Fat Selimi dhe Korab Mulaku.

Më vonë, pjesëmarrësit ndoqën prezantimin e rrugëtimit të realizimit të projekteve nga Edip Mripa dhe Edison Hajdari. Gjatë këtij prezantimi, Edipi dhe Edisoni ndanë vështirësitë dhe këshillat e tyre në lidhje me hapat që duhen ndërmarrë për të kthyer një ide në realitet.

Evente të tilla nxisin bashkëpunim dhe inovacion si dhe ndihmojnë në kultivimin e vlerave sociale e kulturore.