Cacttus Education dhe Gjimnazi “Gjergj Kastriot – Skënderbeu” – Drenas kanë zyrtarizuar bashkëpunimin e tyre përmes nënshkrimit të një Memorandumi Bashkëpunimi, duke hapur rrugë të reja për zhvillimin e arsimit praktik dhe përgatitjen e të rinjve për botën moderne të punës.

Ky partneritet synon të krijojë mundësi konkrete për nxënësit në fushën e Teknologjisë së Informacionit dhe Komunikimit (TIK), përmes kombinimit të mësimit teorik me përvojën reale praktike. Fokusi është që nxënësit të përballen më afër me industrinë, inovacionin dhe kërkesat aktuale të tregut të punës.

Në kuadër të këtij bashkëpunimi, nxënësit do të kenë mundësi të marrin pjesë në:

• Trajnime profesionale të orientuara drejt praktikës
• Mentorim nga specialistë të fushës së teknologjisë
• Vizita studimore në ambiente reale pune
• Projekte praktike që zhvillojnë kreativitetin dhe aftësitë problem-zgjidhëse
• Shkëmbim përvojash ndërmjet arsimit të mesëm dhe atij profesional

Këto aktivitete synojnë të krijojnë një lidhje më të fortë mes shkollës dhe industrisë, duke ndihmuar nxënësit të ndërtojnë aftësi teknike dhe kompetenca personale që i shërbejnë karrierës së tyre në të ardhmen.

Cacttus Education dhe Gjimnazi “Gjergj Kastriot – Skënderbeu” – Drenas do të vazhdojnë të punojnë së bashku për të zbatuar aktivitete konkrete që e bëjnë arsimin më praktik, më të afërt me tregun e punës dhe më të orientuar drejt suksesit të nxënësve.