Sot u realizua bashkëpunim i rëndësishëm ndërmjet Cacttus Education dhe IAAP “Skender Luarasi” për të sjellë inovacion në arsimin tonë: Mësimin Dual “mësimi i bazuar në projekte” në profilin e Teknologjisë së Informacionit dhe Komunikimi (TIK).

Në këtë memorandum bashkëpunimi, synimi ynë është të ngritim kapacitetet drejt transformimit dhe zhvillimit digjital të profesioneve si Programues, Specialistë të Rrjeteve Kompjuterike dhe Sigurisë Kibernetike.

Në kuadër të kësaj marrëveshjeje, do të organizohen vizita të rregullta studimore për nxënësit IAAP “Skender Luarasi” në industrinë teknologjike, duke u mundësuar atyre të jenë pjesë e projekteve të ndryshme dhe të përfitojnë nga mentorimi profesional. Kjo është një mundësi e jashtëzakonshme për ta zgjeruar horizontin e tyre dhe për të krijuar një bazë të fortë për karrierën e tyre në teknologji.