LuxDev Smart Mobility Project është një iniciativë zhvillimore e financuar nga LuxDev dhe e fituar nga Cacttus Sh.A., kompania mëmë e Cacttus Education. Projekti synon të mbështesë zhvillimin e zgjidhjeve të mençura, të qëndrueshme dhe të bazuara në teknologji në fushën e mobilitetit urban, përmes ngritjes së kapaciteteve, inovacionit dhe zhvillimit të aftësive profesionale në Kosovë.

Fokusi i projektit është forcimi i njohurive dhe aftësive lokale në fusha që lidhen me smart mobility, sistemet digjitale dhe teknologjitë e aplikuara, duke krijuar lidhje të drejtpërdrejta ndërmjet arsimit, nevojave të tregut të punës dhe zhvillimeve të ardhshme në sektorin e transportit dhe mobilitetit.

Roli i Cacttus Education në këtë projekt është i përqendruar kryesisht në arsim dhe zhvillim të aftësive profesionale. Si institucion i arsimit dhe trajnimit profesional, Cacttus Education është përgjegjës për dizajnimin dhe ofrimin e programeve trajnuese praktike, punëtorive dhe moduleve mësimore që pajisin studentët dhe profesionistët me aftësi konkrete digjitale dhe teknike të lidhura me smart mobility. CE kontribuon gjithashtu në zhvillimin e kurrikulave, aktiviteteve praktike dhe ndërtimin e kapaciteteve afatgjata, duke siguruar që rezultatet e projektit të jenë të matshme dhe të qëndrueshme.