Festat e fundvitit janë gjithmonë një periudhë e veçantë, kur bashkimi ynë sjell ndryshime pozitive në jetën e të tjerëve sado të vogla të duken ato.

Dëshirojmë të shprehim falënderimet tona më të thella për të gjithë ata që kontribuan në aktivitetin tonë humanitar, duke dhuruar jo vetëm ndihma materiale, por edhe ndriçim dhe ngrohtësi në zemrat e atyre që kanë më së shumti nevojë.

Falenderojmë studentët dhe stafin e palodhur, të cilët me përkushtim dhe zemërgjerësi u angazhuan për të realizuar këtë iniciativë si dhe kompanitë që na u bashkuan: Floil, Recura, Camel, Qumeshtorja Sharri, Telaku, dhe Albi Commerce, të cilat ishin pjesë e këtij misioni humanitar.

Përmes përkushtimit dhe bashkëpunimit tuaj, ne arritëm të sjellim gëzim, shpresë dhe dashuri në shtëpinë e dikujt tjetër.

Ju faleminderit që ishit pjesë e kësaj kauze për qëllime të mira dhe që ndatë frymën e festave me ata që kanë më shumë nevojë.