Enhancing Youth Employment SDC Project Implemented by Helvetas and MDA
Synimi kryesor i projektit ishte përmirësimi i punësimit të të rinjve në sektorin e ICT në Kosovë duke trajtuar mungesën e profesionistëve të kualifikuar dhe duke ndërtuar ura bashkëpunimi midis ofruesve të arsimit dhe industrisë ICT. Projekti synonte gjithashtu të rrisë kapacitetet për eksport të shërbimeve ICT drejt tregjeve të Bashkimit Evropian dhe atyre gjermanofolëse (DACH).
Permbledhje e Projektikt
Projekti, i financuar nga SDC dhe i zbatuar nga Helvetas dhe MDA, zhvilloi një model inovativ të trajnimit dhe punësimit për të rinjtë në sektorin ICT.
Përmes një programi intensiv katërmujor për Full-Stack Web Development, të zhvilluar në bashkëpunim me kompanitë ICT në Kosovë, u ofrua trajnim i përshtatur me kërkesat reale të tregut.
Pjesëmarrësit përzgjidheshin bashkë me kompanitë ICT dhe pas përfundimit të trajnimit u garantohej punësimi. Pagesa e trajnimit bëhej përmes një skeme ku shuma e trajnimit zbritej nga pagat e tyre pas punësimit, duke ulur barrierat financiare.
Që kompanitë të bien dakord për kontrata të tilla, ato do të përfshihen shumë në përzgjedhjen e kandidatëve. Nëpërmjet kësaj, kompanitë do të kenë mundësinë të përzgjedhin njerëz që u përshtaten nevojave të tyre për sa i përket karakterit, aftësive të buta dhe të përgjithshme.
