fbpx

“CacttuKids” viziton kampin veror të “Oxford Studio”

Programi për kodim “CacttuKids”, në bashkëpunim me kursin e gjuhës angleze “Oxford Studio” kanë organizuar një aktivitet të natyrës informuese dhe argëtuese në kampin veror në Gërmi.

Rreth 50 studentë entuziastë të “Oxford Studio” patën mundësinë që së bashku me stafin e “CacttuKids” të luajnë e të kuptojnë më shumë për mundësitë e fillimit të një ëndërre të re, siç është kodimi. Dëshirat, entuziazmi, interesi dhe idetë e tyre për krijimin e lojërave dhe aplikacioneve u shpalosën gjatë dy orëve në qendrën rekreative në Gërmi, ku ata si vizionerë të vegjël me moshë por të mëdhenj me ide, treguan se cilat lojëra e aplikacione do të krijonin po të kishin mundësitë.

Dikush nga ta imagjinonte lojëra më sfiduese, dikush lojëra interaktive, një student tjetër lojëra individuale, disa nga vajzat si guximtare të reja pëlqenin lojërat të tipit garues e shumë e shumë ide tjera që stafin e “CacttuKids” do e ndihmojnë edhe më shumë në plotësimin e programeve të tyre.

Për të gjitha këto ide e imagjinata nga më të ndryshmet, instruktorja e programit të “CacttuKids” i ftoi dhe informoi që me anë të kursit “Creative Coding through Games and Apps” dhe kurseve tjera për kodim, bashkë do realizojnë të gjitha ato projekte që tashmë gjenden në mendjet e fëmijëve dhe të rinjve.

Meqë ambienti i Parkut të Gërmisë ofron mundësi për më shumë aktivitete, me “CacttuKids” fëmijët e të rinjtë u argëtuan edhe duke shikuar film të shkurtë, vallëzuar e luajtur. E njëjta energji me një kombinim të edukimit dhe argëtimit, e përcjellë edhe programin për kodim “CacttuKids”.

Në programin “CacttuKids” ftohen jo vetëm studentët e kursit të gjuhës angleze “Oxford Studio” por të gjithë fëmijët e moshës 7-15 vjeç, të kalojnë pushimin veror duke u bërë krijues të gjërave të bukura.

Grupet e reja të interesuara që të bëhen pjesë e një eksperience të re gjatë kësaj vere, kanë mundësinë të fillojnë kursin më 1 gusht 2017. Ky kurs është i tipit intensiv/veror dhe zgjatë gjithsej katër javë. Nëse ju pëlqejnë gjërat e reja dhe teknologjia, përdoreni atë në mënyrën më të mirë dhe regjistrohu në “CacttuKids” deri më 28 korrik 2017.

REGJISTROHU TANI

Pse kemi nevojë për më shumë femra në fushën e teknologjisë?

Femrat kanë shpikur disa prej teknologjive më të rëndësishme të periudhës modern, si: algoritmin që e funksionalizon kompjuterin, teknologjinë e transmetimit wireless, CCTV (kabllovikun) dhe programin e parë softuerik për biznes aplikacion miqësor për përdorues, e shumë gjëra të tjera.

Kultura e shikimit të teknologjisë si fushë me profesione të dedikuara për meshkuj, është njëra ndër barrierat më të mëdha që pengojnë femrat të kyçen në fushën e teknologjisë. Fatkeqësisht, këto pikëpamje janë si pasojë e stereotipieve për programerët si “djem shkollarë” me sjellje mashkullore që e flasin një gjuhë që shumë pak persona e kuptojnë.

Por, pse duhet femrat të punojnë në fushën e teknologjisë?

E pse të mos përfshihen femrat në profesione në fushën e teknologjisë. Fundja, femrat përbëjnë gjysmën e përdoruesve të teknologjisë në botë. Por, shpesh teknologjia është e dizajnuar që t’u përshtatet më shumë meshkujve se femrave. Këtu përfshihen edhe shpikjet si air bag, zemrat artificiale dhe telefonat. Pasi që teknologjia po vazhdon të bëhet një pjesë e rëndësishme e jetës sonë, dhe për ditë ne po vazhdojmë të mbështetemi më shumë në teknologji, është e dukshme që femrat duhet të kenë po aq ndikim në krijimin dhe zhvillimin e teknologjisë sa kanë edhe meshkujt.

Është mirë të fillohet me çmitizimin e industrisë. Mjafton dominimi i meshkujve që kanë mbi teknologjinë që ta zbehë motivimin e femrave që të studiojnë në profesione që kanë të bëjnë me teknologjinë. Shpesh studimet në fushën e teknologjisë mund të konsiderohen si shumë “teknike’ prandaj ekziston frika se mos programet do të jenë shumë të papërshtatshme për femrat. Por, në fakt, studimet në fushën e teknologjisë mund të rezultojnë mjaft të përshtatshme dhe produktive për vajzat sepse mund ta mbajnë hapin po aq mirë sa djemtë që studiojnë në këtë fushë.

Vajzat duhet të inkurajohen që ta eksplorojnë fushën e teknologjisë qysh në moshë të re. Ato duhet të motivohen dhe inspirohen lidhur me teknologjinë. Edhe pse nuk ekziston ndonjë mënyrë e shpejtë për ngritjen e numrit të femrave në fushën e teknologjisë, nuk bën të heqim dorë nga zgjidhja e këtij problem. Për të gjitha vajzat dhe djemtë që së shpejti do të fillojnë të studioni, shpresojmë që do ta zgjedhni teknologjinë, sepse kjo industri ka nevojë për ju. Mundësinë më të mirë për të studiuar në industrinë e IT-së padyshim që do ta gjeni në Cacttus Education qe ofron dy nga programet më me perspektivë në tregun vendor dhe te huaj: “Zhvillim i ueb-it dhe aplikacioneve mobile” dhe “Administrim i rrjeteve dhe sistemeve

 

Kodimi kreativ përmes aplikacioneve dhe lojërave

Në CacttuKids, fëmijët dhe adoleshentët do të kenë mundësi të ndjekin modulin “Creative Coding through Games and Apps”, i cili është pjesë e Microsoft Imagine Academy.

Përpos për të rinjtë që tashmë janë të motivuar dhe janë kurreshtarë për kodimin, “Creative Coding through Games and Apps” është e dedikuar edhe për nxënësit që kanë shprehur interesim në programim por që nuk kanë përvojë të mëparshme dhe u mungon vetëbesimi në shkathësitë e tyre teknike. Ndonëse zakonisht trajnimet e programimit u dedikohen fëmijëve që kanë shkathësi shumë të mira logjike e matematike, “Creative Coding through Games and Apps” nuk u dedikohet vetëm atyre studentëve. Në fakt ky planprogram është i dizajnuar për nxënës të ndryshëm dhe synon të fokusohet në kreativitet, rëndësinë e kodimit dhe rezultate të prekshme.

“Creative Coding through Games and Apps” është i dizajnuar për t’i arritur këto qëllime:

  • Të ngjallë interesimin e studentëve (diverse students) për shkenca kompjuterike
  • T’i mësojë bazat e programimit dhe zgjidhjes së problemeve
  • Të krijojë vetëbesim tek fëmijët në përdorimin e teknologjisë
  • Të strehojë kreativitetin, kuriozitetin dhe bashkëpunimin
  • Të mësojë se si paisjet kompjuterike mund të përdoren për të për të krijuar produkte reale që kryejnë funksione të caktuara dhe që gjejnë përdorim

Studentët që suksesshëm e përfundojnë këtë trajnim do të mund të:

  • Tregojnë dhe përshkruajnë se çfarë është një program kompjuterik
  • Përdorin dhe implementojnë struktura të zakonshme për kontrollim të programeve
  • Lexojnë kod në ambient të Touch Develop dhe ta përshkruajnë se çfarë bën ai kod
  • Krijojnë dhe publikojnë aplikacione dhe lojëra përmes Touch Develop

“Creative Coding through Games and Apps” përdorë Touch Develop për t’i njoftuar studentët me konceptet themelore të programimit, përmes një serie të mësimeve interaktive që zgjerohen me idetë në mësimet paraprake. Në pjesën më të madhe të orëve , studentët njoftohen me koncepte të reja përmes videove me instruksione në ambientin për programim. Pasi që të njoftohen me konceptin, studentët udhëzohen se si të shkruajnë kod dhe ta ushtrojnë atë kocept. Gjatë progresit të njësive mësimore, zvogëlohet mbikqyrja dhe studentët inkurajohen të shkruajnë kod të pavarur. Si përfundim, përmes njësive mësimore studentët drejtohen dhe inkurajohen që të përfundojnë projekte pa pasur nevojë për këshillim të vazhdueshëm. Poashtu, si rezultat i këtyre projekteve, të rinjtë do të forcojnë konceptet e mësuara dhe do të inkurajohen që të jenë kreativ  e të eksplorojnë më tutje.

“Creative Coding through Games and Apps” prezanton koncepte brenda kontekstit të lojërave, aplikacioneve dhe enigmave. Për shembull, kur pyeten lidhur me ‘conditionals’ mund të kërkohet prej studentëve që ta kompletojnë një lojë gjysëmfunksionale duke shtuar logjikën e nevojshme ‘conditional’ kushtëzore, për ta kompletuar lojën. Me përparimin e kursit, studentët do të jenë në gjendje që të krijojnë e bashkojnë koncepte të ndryshme duke krijuar edhe aplikacione të thjeshta apo lojëra origjinale. Për fund, studentët do të shtojnë ide tek lojërat e njëritjetrit dhe do i japin vlerë atyre duke i publikuar dhe shpërndarë lojërat dhe aplikacionet që ata vet i  kanë krijuar.