fbpx

5 përparësi unike për adoleshentët që mësojnë kodimin

Mësimin në fushën e kodimit vlerësohet të jetë shumë i dobishëm për fëmijët, e sidomos për adoleshentët. Përveç shkathtësive në fushën e teknologjisë, kodimi ndihmon edhe në aftësimin e tyre në fusha të tjera. Ju paraqesim 5 përparësi unike për adoleshentët që fillojnë ta mësojnë kodimin më herët:

1. Rritja e interesimit dhe formimi i një baze me njohuri mbi kodimin
Në moshë të re, kurreshtja është më e madhe. Prandaj, fëmijëve duhet t’u jipet mundësia të mësojnë sa më herët për kodimin. Kjo ju mundëson që ta eksplorojnë kodimin si hobi më shumë sesa si profesion në të ardhmen. Pastaj nëse dëshirojnë ta ndjekin si profesion në të ardhmen do ta bëjnë sepse e duan kodimin dhe kanë dëshirë të ndërtojnë gjëra të reja.

2. Të rinjtë janë të prirur të fokusohen më lehtë në mësimin e gjërave të reja
Në moshë të re, dëshira për të mësuar gjëra të reja është më e madhe sesa frika nga dështimi, prandaj fëmijët mësojnë gjëra të reja pa u dorëzuar. Kjo dëshirë për të mësuar gjëra të reja dhe fokusimi në to në moshë më të re u mundëson atyre që e mësojnë kodimin të kenë më shumë mundësi në të ardhmen.

3. Fitojnë përgatitje më të mirë për studim dhe shkollim të mëtutjeshëm
Edhe nëse fëmijët tuaj nuk dëshirojnë që në të ardhmen të punojnë në profesione në fushën e teknologjisë (Shkenca Kompjuterike), aftësia për të koduar ju jep përparësi edhe në fusha të tjera. Për shembull, studentët e fizikës mund ta përdorin kodimin që t’u ndihmojë të simultojnë dinamizmin e veturave, inxhinierët mekanikë mund ta përdorin kodimin për të vënë në funksion dorën robotike, kurse studentët e muzikës mund të krijojnë pjesë muzikore përmes kodimit.

4. Siguri më të madhe kur të punësohen
Sektori i teknologjisë është rritur mjaft shumë, prandaj edhe gjëra të reja kanë më pak gjasë të ndodhin. Por çfarë është më me rëndësi, teknologjia po vazhdon t’i prekë të gjitha industritë me radhë. Për shembull, Uber ka ndikuar tek industria e taksive. Kurse me zhvillimin e inteligjencës artificiale, parashihet që të ndikohet në më shumë se një industri.

5. Hapen mundësi të reja në të ardhmen
Fusha e teknologjisë ofron më shumë mundësi biznesi sesa fushat e tjera. Mund ta krijosh një produkt të cilin mund ta lansosh virtualisht dhe t’a shesësh drejtpërdrejtë tek konsumatorët. Prandaj, sa më herët që fëmiu juaj të inkuadrohet në fushën e teknologjisë, aq më të mëdha janë gjasat që ta krijojnë një kompani të suksesshme në fushën e teknologjisë.

 

Mbushen klasat e CacttuKids – Kodim, pica dhe argëtim

 

Ambienti i këndshëm i shkollës Cacttus Education, sot u bë edhe më i ngrohtë e me plot ngjyra nga prezenca e 50 fëmijëve dhe adoleshentëve të cilët erdhën dhe provuan kodimin. Pas relaksimit me pica, lëngje, argëtim e shoqërim me njëri – tjetrin, ata u familjarizuan me klasat, trajnerët dhe programin e këtij kursi për kodim.

Këta fëmijë dhe tinejgjerë, kuptuan sot disa nga konceptet bazike të kodimit, duke prekur për së afërmi programin secili prej tyre. CacttuKids, u dha mundësinë që së paku për dy orë të bëhen programer ë të rinjë, për të ju zgjuar ëndërra e vizione edhe më të mëdha. Secili nga ta erdhi me entuziazëm, dëshirë, ide, ëndërra e vizione për të krijuar diçka. Ndërkaq, në CacttuKids, është vendi për krijimin e gjërave të reja. Përveç aftësive të kodimit, fëmijët dhe adoleshentët sot mësuan pak për diagramet, pak për gravitetin e pak edhe për algjebrën. Të gjitha bashkë të kombinuara, rezultuan më një robot në një lojë të modifikuar me funksionet që vet fëmijët i dhanë.. Përmes këtij tutoriali të modulit “Creative Coding through Games and Apps” të rinjtë arritën të krijojnë një lojë të vogël, e sfidat e të cilës vijnë gjatë javëve të ardhshme të kursit intensiv, i cili do të filloj më 1 gusht 2017. Ky kurs veror është i dedikuar për të gjithë të interesuarit nga mosha 7 deri në moshën 15 vjeçare, të cilët mund të vijnë të regjistrohen në ambientet tona ose ta bëjnë regjistrimin online.

Kursi veror do të zgjas gjithsej një muaj me një intensitet prej katër herë në javë. Të rinjtë mund të provojnë këtë eksperiencë të re këtë verë në CacttuKids, ku kanë mundësinë të eksplorojnë më shumë në fushën e teknologjisë, fushë kjo e cila u takon pikërisht atyre, të rinjve!
Fillo kursin për kodim të martën, më 1 gusht nga ora 17:00, eja, argëtohu dhe kodo.

Asnjëherë nuk është shumë herët (ose shumë vonë) të fillosh ta mësosh programimin

Në këtë epokë të teknologjisë, ka aq shumë teknologji të reja që po zhvillohen, por ka mungesë të profesionistëve që i zhvillojnë këto teknologji. Si rrjedhjojë, shkathtësia e programimit është ndër shkathësitë më të kërkuara në tregun e punës sot. Por sa ja vlen të mësohet programimi?

Mësimi i një shkathësie të re (jo vetëm programimit) është mirë  për neve, dhe shëndetin tonë. Duke sfiduar trurin përmes mësimit të shkathësive të reja, është dëshmuar se përmirësohen funksionet kognitive të trurit dhe kujtesa jonë bëhet më e fortë. Por, përpos benefiteve në shëndet, përmes mësimit të një shkathësie të re sikurse programimi, mund të përfitojmë edhe në mënyra të tjera.

Laramania e shkathësive i mundëson një personi që të dallohet në mesin e kandidatëve të tjerë. Si rrjedhojë, shkathtësia e programimit hap dyert për gjetjen e pozitave të tjera në fushën e zhvillimit të vazhdueshëm teknologjik. Përvetësimi i shkathtësisë së programimit poashtu shërben si një shtysë drejt ngritjes në karrierë, dhe avancimit në profesion, dhe hapë dyer të reja drejt mundësive të reja të punësimit.

Kurse për ata që dëshirojnë ta lansojnë një karrierë apo biznes me shpenzime minimale paraprake, me shkathësitë e programimit kursejnë para duke bërë punën vet në vend se të punësojnë dikë. Përmes programimit mund të futesh në një karrierë që ka potencial të madh për rritje, duke mësuar një shkathësi që do ta hapë rrugën drejt sukseseve të ardhshme. Duke mësuar programimin, ti mëson një shkathësi të vlefshme që mund të transferohet lehtësisht, dhe arrin rezultate që i mahnisin të gjithë ata që kanë dyshuar në shkathësitë e tua.

Ndonëse programimi nuk është për të gjithë, të gjithë duhet ta kenë mundësinë të vendosin për vete nëse programimi është diqka që ju pëlqen dhe nëse do të kishin pasur dëshirë të futen në këtë profesion. Edhe pse programimi disave mund t’ju duket më i vështirë e disave më i lehtë, ia vlen ta provoni. Për ju që dëshironi të filloni të mësoni programimin, Cacttus Education ofron studime dyvjeçare për “Zhvillim të Ueb-it dhe Aplikacioneve Mobile”, ku përpos gjuhëve programuese, ju mund të mësoni gjithçka që ka të bëjë me krijimin e uebfaqeve dhe aplikacioneve mobile.