fbpx

12 shkathtësi që punëdhënësit në fushën e teknologjisë së informaconit i kërkojnë

Kur kompanitë kërkojnë të punësojnë dikë në fushën e teknologjisë, përpos shkathtësive profesionale, në shumicën e rasteve kërkojnë edhe dikë që përshtatet me politikat e kompanisë. Prandaj, ajo se çfarë kërkojnë punëdhënësit në fushën e teknologjisë, ndryshon, varësisht se çfarë shkathtësie dëshirojnë t’ia shtojnë ekipit, dhe çfarë mjedisi dëshirojnë të krijohet ne vendin e punës. Por, edhe pse diploma dhe kualifikimet janë shumë të rëndësishme, nuk janë faktori i vetëm që ndikojnë në përzgjedhjen e një kandidati.
Këto janë disa nga ato tipare, të cilat kërkohen nga punëdhënësit në fushën e teknologjisë.

1. Kërkojnë dikë që është i gjithanshëm
Përpos shkathësive profesionale të fituara gjatë shkollimit, një kandidat i mirë është ai që ka dëshirë të zgjidhë problem reale dhe të punojë drejtëpërsëdrejti me konsumatorë. Kjo është ajo që e bën dallimin mes kandidatëve që janë vetëm të mençur, dhe atyre që janë kandidati ideal për kompaninë.

2. “Soft Skills” i shtojnë vlerë një ekipi
Një inxhinier softuerik duhet të jetë i aftë në fushën e vet, kurse “soft skills” i mundësojnë që ta dëshmojë këtë gjë. Shkathësitë e buta (soft skills) poashtu i mundësojnë që të krijohen marrëdhënie të mira me anëtarët e tjerë të ekipit, dhe kjo ndikon që ekipi të jetë më i fuqishëm si tërësi.

3. Kërkojnë dikë që ka motivim të brendshëm
Kjo është njëra ndër shkathësitë më me rendësi, për shkak se personat e motivuar janë më të kënaqur me punën që e kryejnë, dhe nuk motivohen vetëm nga një pagë e mirë për ta kryer sukseshëm punën që e bëjnë.

4. Përshtatje me kulturën e punës
Një anëtar i ekipit, që nuk përshtatet me ambientin dhe ekipin, që nuk e kupton misionin dhe vizionin e kompanisë, mund të ndikojë negativisht edhe tek pjesa tjetër e ekipit. Prandaj, dikush që përshtatet me kompaninë dhe mund të funksionojë si pjesë e ekipit ja vlen të punësohet.

5. Dikush që është i etur për dije
Zakonisht këta individë, që vazhdimisht kanë dëshirë të përparojnë dhe të mësojnë gjëra të reja, që nuk stagnojnë në një pikë, janë kandidatë të përkyer. Dikush që ka dëshirë të mësojë gjëra të reja, dhe që vazhdimisht i shtojnë potencialit të tyre, janë më kreativë dhe mund të ndryshojnë për të mirë punën që ekipi e bën.

6. Të jeshë në rrjedha me ndryshimet e fundit është shumë me rendësi, sidomos në siguri kibernetike
Në fushën e teknologjisë, e sidomos në fushën e sigurisë kibernetike, vazhdimisht gjërat evoluojnë dhe adaptohen. Njohuritë shumë shpesh vjetrohen, për shkak të risive të shumta, prandaj një antëtar adekuat i ekipit është dikush që ka dëshirë të mësojë vazhdimisht përgjatë karrierës.

7. Pasioni mbi të gjitha
Kur vjen puna tek punësimi, pasioni për punën që e bën ka rëndësi shumë të madhe. Çdokush mund të mësohet dhe të përmirësojë shkathësitë teknologjike, por interesimi i vërtetë për diçka nuk është shkathësi që mund të mësohet. Prandaj, dikush që është i dhënë pas punës që bën, është një kandidat që ja vlen të punësohet.

8. Dëshira për të përparuar është qenësore
Dëshira për të mësuar dhe për të bërë diqka më shumë ka rëndësi: ne po jetojmë në një kohë ku ndryshimet janë të shpejta dhe të shpeshta. Kompanitë që mund të adaptohen me ndryshimet shpejt ja arrijnë të mbijetojnë, prandaj dikush që është në gjendje të përshtatet shpejt me ndryshimet brenda një kompanie ka kualitete të një kandidati të mirë.

9. Kërkojnë njerëz që ndërmarrin veprime
Shpeshherë, kompanitë kërkojnë njerëz që janë edhe anëtarë ekipi edhe liderë kur është nevoja-prandaj shpesh kompanitë preferojnë të punësojnë njerëz që mund të mendojnë në mënyrë strategjike dhe që i qojnë punët përpara.

10. Shakthësi për zgjidhje të problemeve së bashku me ekip.
Një ndër tiparet më me rëndësi, që punëdhënisit e kërkojnë tek kandidatët potencialë, është aftësia për të punuar në ekip dhe për të zgjidhur problem të ndryshme në bashkëpunim ekipor. Dikush që është në gjendje të punojë për zgjidhjen e një problem, dhe e bën këtë duke përfshirë një grup më të madh njërzish, është në gjendje të vijë me zgjidhje më kreative të problemeve dhe të sjellë rezultate më të mira.

11. Aftësi për të përparuar në punë edhe me mungesë informatash
Nganjëherë, sidomos në fushën e teknologjisë, është e nevojshme të vazhdohet me zgjidhjen dhe përparimin e qështjeve të ndryshme, edhe nëse ke mungesë informatash. Prandaj, një kandidat që fillon të gjejë mënyra për zgjdhjen e problemeve, në vend se të presë dikë ta servojë me informata ose që dikush t’ia ofrojë zgjidhjen e përkryer është dikush që ja vlen të punësohet.

12. Të jeshë në gjendje për ta pranuar se nuk i di të gjitha
Të punosh në fushën e teknologjisë, do të thotë të mësosh gjëra të reja përgjatë karrierës. Vullneti që dikush ka për të mësuar nuk është diqka që bie në sy gjatë intervistave për punë, prandaj është në rregull ta pranosh që ka gjëra që nuk i di, sepse kjo tregon se ti ke vullnetin dhe dëshirën për të mësuar gjëra të reja, dhe nuk frikësohesh nga gjërat që nuk i di, përkundrazi i identifikon ato dhe i mëson.

Adaptuar nga: 12 Key Traits Technology Leaders Need To Look For When Hiring

5 përparësi unike për adoleshentët që mësojnë kodimin

Mësimin në fushën e kodimit vlerësohet të jetë shumë i dobishëm për fëmijët, e sidomos për adoleshentët. Përveç shkathtësive në fushën e teknologjisë, kodimi ndihmon edhe në aftësimin e tyre në fusha të tjera. Ju paraqesim 5 përparësi unike për adoleshentët që fillojnë ta mësojnë kodimin më herët:

1. Rritja e interesimit dhe formimi i një baze me njohuri mbi kodimin
Në moshë të re, kurreshtja është më e madhe. Prandaj, fëmijëve duhet t’u jipet mundësia të mësojnë sa më herët për kodimin. Kjo ju mundëson që ta eksplorojnë kodimin si hobi më shumë sesa si profesion në të ardhmen. Pastaj nëse dëshirojnë ta ndjekin si profesion në të ardhmen do ta bëjnë sepse e duan kodimin dhe kanë dëshirë të ndërtojnë gjëra të reja.

2. Të rinjtë janë të prirur të fokusohen më lehtë në mësimin e gjërave të reja
Në moshë të re, dëshira për të mësuar gjëra të reja është më e madhe sesa frika nga dështimi, prandaj fëmijët mësojnë gjëra të reja pa u dorëzuar. Kjo dëshirë për të mësuar gjëra të reja dhe fokusimi në to në moshë më të re u mundëson atyre që e mësojnë kodimin të kenë më shumë mundësi në të ardhmen.

3. Fitojnë përgatitje më të mirë për studim dhe shkollim të mëtutjeshëm
Edhe nëse fëmijët tuaj nuk dëshirojnë që në të ardhmen të punojnë në profesione në fushën e teknologjisë (Shkenca Kompjuterike), aftësia për të koduar ju jep përparësi edhe në fusha të tjera. Për shembull, studentët e fizikës mund ta përdorin kodimin që t’u ndihmojë të simultojnë dinamizmin e veturave, inxhinierët mekanikë mund ta përdorin kodimin për të vënë në funksion dorën robotike, kurse studentët e muzikës mund të krijojnë pjesë muzikore përmes kodimit.

4. Siguri më të madhe kur të punësohen
Sektori i teknologjisë është rritur mjaft shumë, prandaj edhe gjëra të reja kanë më pak gjasë të ndodhin. Por çfarë është më me rëndësi, teknologjia po vazhdon t’i prekë të gjitha industritë me radhë. Për shembull, Uber ka ndikuar tek industria e taksive. Kurse me zhvillimin e inteligjencës artificiale, parashihet që të ndikohet në më shumë se një industri.

5. Hapen mundësi të reja në të ardhmen
Fusha e teknologjisë ofron më shumë mundësi biznesi sesa fushat e tjera. Mund ta krijosh një produkt të cilin mund ta lansosh virtualisht dhe t’a shesësh drejtpërdrejtë tek konsumatorët. Prandaj, sa më herët që fëmiu juaj të inkuadrohet në fushën e teknologjisë, aq më të mëdha janë gjasat që ta krijojnë një kompani të suksesshme në fushën e teknologjisë.

 

Mbushen klasat e CacttuKids – Kodim, pica dhe argëtim

 

Ambienti i këndshëm i shkollës Cacttus Education, sot u bë edhe më i ngrohtë e me plot ngjyra nga prezenca e 50 fëmijëve dhe adoleshentëve të cilët erdhën dhe provuan kodimin. Pas relaksimit me pica, lëngje, argëtim e shoqërim me njëri – tjetrin, ata u familjarizuan me klasat, trajnerët dhe programin e këtij kursi për kodim.

Këta fëmijë dhe tinejgjerë, kuptuan sot disa nga konceptet bazike të kodimit, duke prekur për së afërmi programin secili prej tyre. CacttuKids, u dha mundësinë që së paku për dy orë të bëhen programer ë të rinjë, për të ju zgjuar ëndërra e vizione edhe më të mëdha. Secili nga ta erdhi me entuziazëm, dëshirë, ide, ëndërra e vizione për të krijuar diçka. Ndërkaq, në CacttuKids, është vendi për krijimin e gjërave të reja. Përveç aftësive të kodimit, fëmijët dhe adoleshentët sot mësuan pak për diagramet, pak për gravitetin e pak edhe për algjebrën. Të gjitha bashkë të kombinuara, rezultuan më një robot në një lojë të modifikuar me funksionet që vet fëmijët i dhanë.. Përmes këtij tutoriali të modulit “Creative Coding through Games and Apps” të rinjtë arritën të krijojnë një lojë të vogël, e sfidat e të cilës vijnë gjatë javëve të ardhshme të kursit intensiv, i cili do të filloj më 1 gusht 2017. Ky kurs veror është i dedikuar për të gjithë të interesuarit nga mosha 7 deri në moshën 15 vjeçare, të cilët mund të vijnë të regjistrohen në ambientet tona ose ta bëjnë regjistrimin online.

Kursi veror do të zgjas gjithsej një muaj me një intensitet prej katër herë në javë. Të rinjtë mund të provojnë këtë eksperiencë të re këtë verë në CacttuKids, ku kanë mundësinë të eksplorojnë më shumë në fushën e teknologjisë, fushë kjo e cila u takon pikërisht atyre, të rinjve!
Fillo kursin për kodim të martën, më 1 gusht nga ora 17:00, eja, argëtohu dhe kodo.