Ne po jetojmë në një kohë digjitale ku telefonët mobilë dhe tabletët janë natyrshëm pjesë e jetës së fëmijëve tanë. Përpos leximit, shkrimit e matematikës, fëmijët sot duhet të mësojnë jo vetëm si të punojnë programe digjitale, por edhe si ti krijojnë ato.

Kodimi (programimi kompjuterik) është arti i krijimit të çfarëdo programi, duke filluar nga lojërat kompjuterike, e deri tek aplikacionet për telefona që na ndihmojnë në jetën tonë të përditshme. Prandaj shkathtësia e kodimit është po aq me rëndësi sa shkrimi e leximi, për suksesin e fëmijëve, pa marrë parasysh profesionin që ata do ta zgjedhin në të ardhmen.

I kemi përfshirë disa mënyra argëtuese që ju ndihmojnë fëmijëve të mësojnë kodimin, varësisht prej moshës që kanë:

Lojërat që i zhvillojnë shkathtësitë bazike kompjuterike (moshat 4+)

Për fëmijët që kanë kaluar tërë jetën e tyre të njoftuar me paisjet mobile, lojërat si Kodable, Move the Turtle dhe Lightbot do të jenë po aq të natyrshme sa lojërat e tyre të preferuara. Për dallim nga lojërat e tjera, këto lojëra ju ndihmojnë fëmijëve të mësojnë logjikën që qëndron prapa programimit, dhe mënyrën se si kompjuterët mendojnë.

Luaj një lojë, shkruaj pak kod (moshat 8-16)

Scratch është një gjuhë programuese që ju lejon fëmijëve të krijojnë tregime interaktive, lojëra dhe animacione në një mënyrë shumë vizuale, përmes drag dhe drop. Çfarë është e mira rreth Scratch, është jo vetëm fuqia e asaj se shumë mund të krijohet me të, por poashtu komuniteti të cilit do t’i bashkangjiten fëmijët tuaj kur fillojnë programimin me Scratch. Në vend që të fillojnë nga zeroja fëmijët mund të luajnë me lojërat dhe t’i modifikojnë tregimet që janë shkruar nga të tjerët, t’i shëndrrojnë në atë që ata kanë dëshirë. Pastaj ata mund t’i ndajnë me të tjerët programet që i shkruajnë, për të treguar se çfarë kanë krijuar.

Të bëhen magjistarë që përdorin magji të shkruara përmes kodit, për ta shpëtuar princin ose princeshën (mosha 8+)

Code Combat është një faqe falas që ju mëson të kodoni në disa prej gjuhëve të famshe programuese si JavaScript dhe Python, përmes lojërave (duke luajtur lojëra). Në këtë lojë për fillestarë, lojtari e merr rolin e një magjistari të mirë e të fuqishëm që përdorë magjitë që shkruhen përmes kodit (JavaScript) për të kontrolluar heronjtë, naviguar nëpër labirinte, mundur përbindëshat, mashtrojë armiqtë dhe shpëtojë aleatët.

Të ndërtosh robotët e tu (mosha 10+)

Lego Mindstorms kombinon Legot që të gjithë i njohim dhe i duam, me motorë, sensorë dhe kontrollim nga larg, në mënyrë që fëmijët tuaj të mund t’i programojnë për të bërë çkado që imagjinata e tyre e ëndërron, të flasin e veprojnë sipas komandës së tyre.

Krijoni Minecraft Mods (i avancuar)

Nëse fëmijët tuaj luajnë Minecraft, do të vijë një kohë kur do të mërziten me ‘mods’ aktuale që janë në Minecraft dhe do të kenë dëshirë ta krijojnë të tyren. Pasi që Mods ndërtohen me gjuhë programuese të botës reale sikurse që është Java, atëherë kjo është një mënyrë e shkëlqyer për të ngritur shkathtësitë e tyre programuese në një nivel të ri. Program i Youth Digital- Learn Java with Minecraft duket si një mënyrë shumë argëtuese për të mësuar, përmes kursit online të përcjellur me video shpjeguese, që ju tregon fëmijëve se si të programohet me Java për të krijuar vet shpatat, parzmoret, veglat, ushqimin, arritjet e shumë gjëra të tjera.

Mësoni edhe pjesët fizike të një kompjuteri, edhe kodimin me Raspberry Pi

Raspberry Pi funksionon lehtë, vetëm e lidhni me një monitor ose TV, lidhni tastaturën dhe një maus, dhe jeni gati t’ja filloni. Kështu fitoni një kompjuter të menjëhershëm, të lirë dhe që është tërësisht funksional. Është mënyrë e mirë për fëmijët të mësojnë për paisjet ‘hardware’ që ju mundësojnë kompjuterëve të funksionojnë. Për më tepër ka shumë verzione të Scratch dhe Minecraft për Raspberry Pi, që mund të shërbejnë si vegla shumë të mira për fëmijët që janë duke e mësuar kodimin.

Si bonus, Minecraft për Raspberry Pi është edicioni i vetëm i lojës që i lejon lojtarët ta programojnë drejtëpërdrejtë, duke ju dhënën fëmijëve edhe më shumë mundësi për kontrollomin e përvojës së tyre me Minecraft (këtë herë duke përdorur kod që shkruhet në Python). Këto e burime të tjera të të mësuarit me Pi i gjeni këtu.

Trajnim, konferencë apo punëtori? Cacttus Education ofron klasa me qera të pajisura me kompjuterë të performancës së lartë, si dhe me veglat e pajisjet e nevojshme për të ofruar një përvojë të sukseshme të trajnimeve, konferencave, punëtorive etj. Secila nga klasat, ndër të tjerat, ka qasje të vazhdueshme në internet dhe është e pajisur me teknologjinë e fundit.

Ne gjithashtu ofrojmë zgjidhje për nevojat e juaja gjatë trajnimit: nga ‘flipcharts’ dhe tabelat, e deri tek projektorët digjitalë si dhe ‘workstations’ plotësisht të rrjetizuar.

MBËSHTETJE TEKNIKE NGA EKSPERTËT
Stafi teknik i Cacttus Education do t’i përgatisë kompjuterët bazuar në kërkesat tuaja. Duke zgjedhur nga llojllojshmëria e sistemeve operative që janë në dispozicion, stafi ynë do të instalojë programe e ‘software’ të ndryshëm, në mënyrë që klasat të jenë të gatshme para se trajnimet të filojnë. Stafi teknik poashtu do të jetë në dispozicion përgjatë tërë ditës, sipas nevojës.

LOKACION I PËRSHTATSHËM
Cacttus Education posedon një objekt modern, që përpos klasave ka edhe hapësirë të mjaftueshme, të përshtatshme për pauza gjatë trajnimit.
Ne gjindemi në lagjen Arbëria, afër komunës së re. Ku lokacioni i përshtatshëm ofron hapësirë të mjaftueshme për parking.

ADRESA
Bashkim Fehmiu Arbëria 3, BC2 / 14 nr. 4
10000 Prishtinë

Pjesë e tryezës me titull “Fuqizimi i mundësive të punësimit për studentët dhe të diplomuarit e Universitetit të Prishtinës” ishte edhe Cacttus Education. Në këtë tryezë të organizuar nga Qendra për Zhvillim të Karrierës dhe partnerët nga tregu i punës, përfaqësuese e Cacttus ishte Vidane Kelmendi, Drejtoreshë Operacionale në Cacttus Education.

Qëllimi i kësaj tryeze ishte të diskutohet rreth tematikës së punësimit të studentëve. Kjo tryezë shënon hapjen e ciklit të tryezave të rrumbullakëta të për diskutuar lidhur me këtë tematikë. Pjesëmarrës në këtë tryezë ishin: rektori i UP-së, prof. dr. Marjan Dema, prorektori për zhvillim dhe cilësi në UP, prof. dr. Hysen Bytyqi, drejtori i Zyrës për Zhvillim Akademik, z. Besnik Loxha, këshilltari për karrierë në Qendrën për Zhvillim të Karrierës në UP, z. Shkumbin Tafilaj, si dhe 13 përfaqësues nga institucione, kompani dhe organizata të cilat bashkëpunojnë me UP-në në synimin e ndërlidhjes së studimeve me tregun e punës.

Gjatë kësaj tryeze u diskutua për mundësi bashkëpunimi me përfaqësuesit e tregut të punës, me ç’rast u propozuan ide dhe projekte të reja për punësimin e studentëve dhe të diplomuarve, që do të mundësonin zhvillimin e tyre të mëtejmë në karrierë.

Ky cikël i tryezave do të vazhdojë punimet nën moton #punësueshmëria.