Cacttus, si një ndër institucionet më me përvojë në vend për teknologji informative vazhdon me organzimin e trajnimeve edukativo-arsimore ku kësaj radhe ka përfunduar me sukses ‘Keds Kids Academy’ projekt i implementuar nga Cacttus Education.

Në kuadër të këtij organizimi është bërë trajnimi i rreth 150 fëmijëve të punëtorëve të KEDS, të Distriktit të Prishtinës, për elektrikë dhe robotikë.

Ky projekt ka qenë një program dy javorë edukimi, për fëmijët e moshës 7 deri në 10 vjeç. Përmes këtij organizimi edukativo-arsimor të implementuar nga Cacttus Education, synohet përgatitja dhe orientimi i fëmijëve për të ardhmen nëse ata duan të studiojnë për teknologji informative dhe elektrike. Ndërsa ky trajnim ka shërbyer për krijimin e një baze të mirë dhe njohurive fillestare të mjaftueshme për këtë fushë.

Sfida e epokës digjitale është mungesa e individëve të talentuar që na mundësojnë të ecim përpara drejt së ardhmes. Në një të ardhme të fokusuar drejt inteligjencës artificiale ekonomia ka nevojë më shumë se kurdoherë për profesionistë të fushës së teknologjisë si: zhvillues, arkitektë të AI (artificial intelligence), dizajnerë, integrues të sistemeve etj.

Ka shumë mënyra se si ju mund të përgatiteni për ndryshimet që po vijnë në fushën e ekonomisë dhe profesioneve në fushën e teknologjisë. Më poshtë i kemi listuar disa prej tyre.

Vazhdoni të mësoni, vazhdoni të avancoheni
Në fushën e teknologjisë, një diplomë mund të ju ndihmojë të gjeni punë pas përfundimit të shkollës, por gjërat që i mësoni gjatë atyre viteve të studimit shumë shpejt vjetërsohen. Prandaj mund të ndiqni  programe dhe certifikime profesionale që të mundësojnë inkuadrim më të shpejtë në punë, dhe të japin një shtytje për avancim të vazhdueshëm në drejtimin që dëshiron ta ndjekësh.

Orintohu nga ndërmarrësia
Punët e thjeshta apo komplekse të kryera në kompani po automatizohen dhe po zëvendesohen nga AI , por asnjë algoritëm nuk mund te adaptohet për të kryer detyrën e një sipërmarrësi të aftë që e ndjenë se kur kompanisë i duhet diçka e re.  Vetëm qenia njerëzore e ka këtë aftësi. Prandaj personat që kanë sukses në këtë drejtim do të jenë ata që do t’i udheheqin këto makineri për ti kryer shërbimet e nevojshme.

Të jeni kreativ
Sistemet e inteligjencës artificiale do të kenë aftësitë digjitale për t‘i shtyer kompanitë përpara nga ana ekonomike, por kjo nuk është e mjaftueshme për kohën në të cilën po jetojmë. Sot kompanive i duhet kreativiteti nga fusha të ndryshme, për të kryer punët me sukses dhe për ta bërë të mundur komunikimin me tregun.

Të jeni të hapur ndaj ndryshimeve teknologjike
Bota e teknologjise është duke evoluar me shpejtësi. Duhet të jemi të hapur ndaj ndryshimeve dhe të adaptohemi me ambientin e ri teknologjik.

Të mendojmë si ekip
Bashkëpunimi është çelësi kryesor. Ekipet (organizatat) më të suksesshme janë ato që kanë një llojshmëri të roleve brenda ekipit , kjo ua mundëson të shohin çdo situatë nga perspektiva të ndryshme.

Artikull i përshtatur nga Forbes.

Ekzistojnё arsye tё panumёrta pse teknologjia ёshtё aspekt kyç i të mësuarit nё shkollё. E pёlqejmё ose jo, teknologjia ёshtё kudo, dhe studentёt tanё duhet patjetёr tё njohin teknologjinё nё mёnyrё qё të tregohen të sukseshëm në të ardhmen.

Por cilat janë arsyet pse teknologjia ёshtё e rёndёsishme nё edukim? Në vijim i kemi listuar disa prej tyre:

Fёmijët janё autokton tё digjitalizimit
Fёmijёt e njohin teknologjinё mё mirё se shumica e tё rriturve. Ёshtё bёrё mёnyra mё e lehtё qё ata mёsojnё, sepse ёshtё pjesё pёrbёrёse e jetёs sё tyre. Inkuadrimi i teknologjisё nё klasa, jo vetёm qё i ka ndihmuar fёmijёt tё mёsojnё mё mirё, por gjithashtu ata fitojnё aftёsi tё mira tё kryejnë detyra tё ndryshme.

Fёmijёt mund tё mёsojnё me ritmin e tyre
Fёmijёt mёsojnё me ritmin e tyre. Me integrimin e teknologjisё nё edukim, fёmijёt kanё aftёsinё pёr tё ngadalёsuar ritmin. Ata mund t’ju kthehen edhe njëherë mёsimeve të kaluara, përderisa fёmijёt mё tё avancuar mund tё vazhdojnë për tek njësitë e reja.

Me teknologji, nuk ka limite
Duke pasur qasje nё informacionet tjera pёrveç librave, teknologjia mundëson fëmijëve të gjejnë mënyra të reja për të mësuar gjërat. Madje edhe mёsuesit mund tё përfitojnё nga mёnyrat tjera mё kreative tё mёsimit. Teknologjia ndihmon qё mёsimi tё jetё sa mё kuptimplotё dhe zbavitёs. Ndërsa studentёt gjithashtu janё nё gjendje tё bashkёpunojnё me shokёt e klasёs pёrmes aplikacioneve tё teknologjisё.

Teknologjia mban fёmijёt tё angazhuar
Studentёt e kёtij brezi konsiderohen si nxёnёsit e teknologjisё. Ata mёsojnё tё jenё mё interaktiv, dhe teknologjia i ndihmon ata pёr ta bёrё kёtё.

Teknologjia ёshtё e nevojshme pёr tё pasur sukses jashtё edukimit fillor dhe tё mesёm
Na pёlqen ose jo, teknologjia ёshtё njё koncept thelbёsor pёr ta mёsuar. Pёr shkak se ndryshon shumё shpejt, fёmijёt janё mё tё mirё nё mёsimin e shpejtë. Nё ditёt e sotme, teknologjia ёshtё mё shumё se sa thjesht tё mёsuarit e njohurive bazike tё kompjuterit. Sot teknologjia ёshtё bёrё pjesё e çdo aspekti tё jetёs sonё, dhe studentёt qё e kuptojnё teknologjinë janё ata qё do të kenё sukses në të ardhmen.

Artikull i përshtatur nga: Pine Cove