Në CacttuKids, fëmijët dhe adoleshentët do të kenë mundësi të ndjekin modulin “Creative Coding through Games and Apps”, i cili është pjesë e Microsoft Imagine Academy.

Përpos për të rinjtë që tashmë janë të motivuar dhe janë kurreshtarë për kodimin, “Creative Coding through Games and Apps” është e dedikuar edhe për nxënësit që kanë shprehur interesim në programim por që nuk kanë përvojë të mëparshme dhe u mungon vetëbesimi në shkathësitë e tyre teknike. Ndonëse zakonisht trajnimet e programimit u dedikohen fëmijëve që kanë shkathësi shumë të mira logjike e matematike, “Creative Coding through Games and Apps” nuk u dedikohet vetëm atyre studentëve. Në fakt ky planprogram është i dizajnuar për nxënës të ndryshëm dhe synon të fokusohet në kreativitet, rëndësinë e kodimit dhe rezultate të prekshme.

“Creative Coding through Games and Apps” është i dizajnuar për t’i arritur këto qëllime:

• Të ngjallë interesimin e studentëve (diverse students) për shkenca kompjuterike
• T’i mësojë bazat e programimit dhe zgjidhjes së problemeve
• Të krijojë vetëbesim tek fëmijët në përdorimin e teknologjisë
• Të strehojë kreativitetin, kuriozitetin dhe bashkëpunimin
• Të mësojë se si paisjet kompjuterike mund të përdoren për të për të krijuar produkte reale që kryejnë funksione të caktuara dhe që gjejnë përdorim

Studentët që suksesshëm e përfundojnë këtë trajnim do të mund të:

• Tregojnë dhe përshkruajnë se çfarë është një program kompjuterik
• Përdorin dhe implementojnë struktura të zakonshme për kontrollim të programeve
• Lexojnë kod në ambient të Touch Develop dhe ta përshkruajnë se çfarë bën ai kod
• Krijojnë dhe publikojnë aplikacione dhe lojëra përmes Touch Develop

“Creative Coding through Games and Apps” përdorë Touch Develop për t’i njoftuar studentët me konceptet themelore të programimit, përmes një serie të mësimeve interaktive që zgjerohen me idetë në mësimet paraprake. Në pjesën më të madhe të orëve , studentët njoftohen me koncepte të reja përmes videove me instruksione në ambientin për programim. Pasi që të njoftohen me konceptin, studentët udhëzohen se si të shkruajnë kod dhe ta ushtrojnë atë kocept. Gjatë progresit të njësive mësimore, zvogëlohet mbikqyrja dhe studentët inkurajohen të shkruajnë kod të pavarur. Si përfundim, përmes njësive mësimore studentët drejtohen dhe inkurajohen që të përfundojnë projekte pa pasur nevojë për këshillim të vazhdueshëm. Poashtu, si rezultat i këtyre projekteve, të rinjtë do të forcojnë konceptet e mësuara dhe do të inkurajohen që të jenë kreativ  e të eksplorojnë më tutje.

“Creative Coding through Games and Apps” prezanton koncepte brenda kontekstit të lojërave, aplikacioneve dhe enigmave. Për shembull, kur pyeten lidhur me ‘conditionals’ mund të kërkohet prej studentëve që ta kompletojnë një lojë gjysëmfunksionale duke shtuar logjikën e nevojshme ‘conditional’ kushtëzore, për ta kompletuar lojën. Me përparimin e kursit, studentët do të jenë në gjendje që të krijojnë e bashkojnë koncepte të ndryshme duke krijuar edhe aplikacione të thjeshta apo lojëra origjinale. Për fund, studentët do të shtojnë ide tek lojërat e njëritjetrit dhe do i japin vlerë atyre duke i publikuar dhe shpërndarë lojërat dhe aplikacionet që ata vet i  kanë krijuar.

Bill Gates ka përmendur tri shkathtësitë që ai beson se do ta bëjnë dikë të suksesshëm në tregun e punës, dhe kjo teori përjashton këdo që nuk është i shkëlqyer në shkenca dhe numra.

Bazuar në të dhënat e mbledhura, ndërmarrësi ikonë i teknologjisë dhe bashkëthemelues i Microsoft ka thënë që njerëzit me njohuri në këto fusha do të jenë më të kërkuarit në vitet që po vijnë: shkenca, inxhinieri dhe ekonomi.
Gjatë bisedës me kryeredaktorin e LinkedIn, Danile Roth, Gates thotë: “Unë mendoj se njohuritë bazike mbi shkencat, shkathtësitë matematikore dhe ekonomike janë me shumë rëndësi për karrierën në të ardhmen dhe personat që posedojnë këto njohuri do të kërkohen në të ardhmen”.

Nuk është patjetër e nevojshme të jesh në gjendje të shkruash kod, por duhet të jesh në gjendje ta dish se çfarë munden e çfarë nuk munden të bëjnë inxhinierët. Ndërmarrësi milioner shtoi se të punësuarit që kanë njohuri në këto fusha do të jenë “agjentët e ndryshimit për të gjitha institucionet”.

Gates së fundmi ka njoftuar se do ta kryesojë një fond me vlerë mbi 1 miliard dollarë për t’i luftuar ndryshimet klimatike duke investuar në mënyra të reja për prodhimin e energjisë së pastër.

Ai do ta udhëheqë një grup të investitorëve, pasuria e kombinuar e të cilëve arrin diku rreth 170 miliard dollarë, që përfshinë njerëz si Richard Branson, Jeff Bezos i kompanisë Amazon, dhe Jack Ma, themeluesi i grupit tregtar kinez Alibaba.

Si reagim ndaj fitores së Donald Trump në zgjedhje presidenciale, gjiganti i teknologjisë është treguar mjaft optimist. Ai së fundmi ka thënë se po shpreson të shohë një fitore të dyfishtë në inovacion dhe përkujdesje shëndetësore, edukim dhe energji, duke shtuar se Amerika është duke “shkuar drejt një faze të re.”

Kodimi (që ndryshe quhet edhe programim ose zhvillim) është t’i japësh udhëzime një kompjuteri, aplikacioni, telefoni ose uebfaqeje se çfarë ti dëshiron ta nxitësh të bëjë.

Mësimi i kodimit i përgatitë fëmijët për botën në të cilën jetojmë. Ka shumë punë dhe profesione ku përdoret kodimi drejtëpërsëdrejti, si zhvillimi i uebit, zhvillimi softuerik dhe inxhinieria robotike. Por ka edhe më shumë profesione ku njohja e kodimit është përparësi shumë e madhe- si punë në nanoteknologji, shkencat e informatikës etj. Megjithatë, për shumicën e përkrahësve të mësimit të kodimit në moshë të re, arsyet për mësim të kodimit janë shumë më të mëdha sesa vetëm përgatitja për një karrierë apo profesion të caktuar.

Të kuptuarit e kodimit ndihmon në kuptimin e botës

Në ditët e sotme kompjuterët janë të përfshirë gati në të gjitha aspektet e jetës sonë, përfshirë këtu komunikimin, edukimin, mediat sociale, bankat, informacionet, sigurinë e madje edhe kur blejmë diçka. Rrjetet e kompjuterëve janë në gjendje kontrollojnë gati gjithçka, nga termostatet dhe ndriçimi i shtëpisë sonë, e deri tek veturat tona dhe dosjet tona mjekësore. Prandaj nëse mëson se si funksionojnë kompjuterët është më e lehtë ta kuptosh botën sot se si funksionon.

Kodimi zhvillon shkathtësitë në zgjidhjen e problemeve dhe të menduarit kritik

Shkathtësitë që fitohen përmes mësimit të programimit zgjerohen përtej krijimit të lojërave.  Programimi poashtu ju ndihmon fëmijëve të zhvillojnë mënyra të reja të të menduarit dhe të trajtimit dhe zgjidhjes së probleve, dhe ndihmon në zhvillimin e teknikave të ndryshme që pastaj kanë zbatim edhe në fusha të tjera.

Kodimi është argëtues!

Përpos arsyeve praktike për mësimin e kodimit, poashtu ekziston fakti që krijimi i një loje apo animacioni është një detyrë shumë argëtuese për fëmijët.

Si t’i njoftoni fëmijët me kodimin:

Nëse kodimi mësohet përmes krijimit të lojërave, jo vetëm që është më i lehtë por është edhe më argëtues. Prandaj CacttuKids programin e kodimit për fëmijë e fillon me lojëra. Këto lojëra janë krijuar nga Microsofti me qëllim të thjeshtësimit të programimit. Prandaj nëse fëmija juaj ka prirje për teknologji dhe ka dëshirë të luajë video lojëra, atëherë lojërat e Microsoft’s janë fillimi më i mirë për mësim të programimit dhe CacttuKids ju ndihmon në këtë drejtim.