Fillojnë regjistrimet për kursin veror në CacttuKids

CacttuKids ka hapur dyert për regjistrim për të gjithë fëmijët dhe adoleshentët që dëshirojnë të bëhen pjesë e kursit tonë veror. Ky kurs është intenziv dhe fëmijët kanë mundësi të mësojnë për një muaj se si të kodojnë lojën e tyre të preferuar. Programi është i dedikuar për fëmijët e moshave 8 deri në moshën 15 vjeç dhe ka për qëllim zhvillimin e imagjinatës tek fëmijët dhe përvetësimin e aftësive teknologjike. Gjatë katër javëve, fëmijët dhe adoleshentët do të kenë mundësi edhe të argëtohen përmes aktiviteteve, siç janë vizitat në kompani të ndryshme, lojëra në ambiente të hapura dhe të mësojnë përmes praktikës.

Planprogrami është i krijuar nga Microsoft Imagine Academy dhe ka për qëllim që t’i mësoj fëmijët se si të programojnë paralel me fëmijët e tjerë të botës. Një ndër modulet që fëmijët e CacttuKids do ta ndjekin, është “Creative Coding Through Games and Apps”, i cili u dedikohet një vargu të shumëllojshëm të fëmijëve, duke filluar nga ata që nuk kanë asnjë njohuri për kodim, deri tek ata fëmijë që kanë pasur mundësi të marrin mësime paraprake në këtë fushë. Përmes këtij kursi, fëmijët mësojnë si të kodojnë duke mësuar në një softuer real për të dizajnuar, programuar dhe për të publikuar aplikacione e lojëra për telefon. Me krijimin e produkte reale, fëmijët zbulojnë si të ndërtojnë gjëra mahnitëse dhe zhvillojnë intelegjencën e tyre.

Ju mund të filloni kursin intenziv në këto kohë të javës:
E hënë / 17:00 – 19:00
E martë / 17:00 – 19:00
E enjte / 17:00 – 19:00
E shtunë / 10:00 – 13:00

Instruktorët profesional të CacttuKids, ju presin që të filloni bashkë eksperiencën më të mirë verore. Fillo kursin me 3 korrik dhe bëhu e ardhmja!

APLIKO TANI