Cacttus Education mbajti diskutimin e hapur “IT Entrepreneurship” për ndërmarrësit e rinjë të fushës së TIK-ut

Në kuadër të Javës Globale të Ndërmarrësisë Kosovë, Cacttus Education organizoi diskutimin e hapur me temë “Ndërmarrësia në TIK-Tejkalimi i sfidave gjatë krijimit të një biznesi në fushën e TIK-ut”. Ky diskutim iu dedikua veçanërisht ndërmarrësve të fushës së TIK-ut dhe fillestarët në ndërmarrësi të cilët synojnë të krijojnë biznes në këtë fushë.

Diskutimi u hap me folësit Ermal Sadiku, Zana Tabaku dhe Çelik Nimani, të cilët treguan shkurtimisht për fillet e rrugëtimit të tyre në këtë fushë. Përpos sfidave dhe tejkalimit të tyre, ata treguan më shumë se përse fusha e teknologjisë ka një të ardhme shumë të mirë dhe se si nevoja për biznese në këtë fushë është duke u rritur.

Ky event u organizua nga Cacttus Education dhe mbajt në mjediset e Innovation Centre Kosovo (ICK) që njëkohësisht është nikoqir i GEW për Kosovë. Cacttus Education edhe në të ardhmen do të vazhdojnë me organizimin e eventeve të ndryshme, që kanë për qëllim avancimin e të rinjëve kosovarë ne fushën e teknologjisë.